اولادي مايحبون بعض وش الحل؟

بصراحه انا اولادي اصغر من اولادك .. لكن اسم الموضوع عور لي قلبي .. ما اتخيل فيه اخوان ما يحبون بعض..يمكن غيره او حب تنافس ..

حبيبتي إذا كانوا ما يحبون بعض أعتقد هالشيء يعتمد بدور كبير على الأب والأم .. وكمان المجتمع المحيط بهم ..هل هناك تفرقة في التعامل...هل أحدهم يتميز على الآخر .. فكري بالأسباب ليش ما يحبون بعض .. ومن هنا تلاقي الحل ..
وحأذكر لك تجربتي وإن شاء الله تنفع معاكي أولادي ثلاثة الله يحفظهم ..
وبالنسبة لي من يوم عيالي صغار أحنن قلبهم على بعض ..مثلاً طالع يا حرام ما يعرف يمسك الكاسه خل نساعده ..وبعدها أحسسه إن اللي سواه شيء وااااااااو .. يابختك حبيبي بالأجر .. وحتى اللي كان عمره سنتين وكان اخوه مولود كنت اقول له شيء مناسب لسنه ..
ولا تنسي الهدايا.. تهادوا تحابوا .. مفعولها رائع فما بالك بين الأخوان .. ومو لا زم تكون شيء قيم .. ساعات ولدي يجيب لأخوانه أدوات مكتبيه او حلاوه بس يفرحوا إنه يتذكرهم ..
أما بالنسبة للكبير فدائماً أذكره بأنه القدوه .. وإن أخوانه يحبون يسوون مثله لو كان غلط علشان يحاسب على تصرفاته ولو سوى خطأ يعتذر بالتالي هم صاروا يعتذرون له بالمثل...والحمدلله رب العالمين احس هالطريقة تنجح ..
وعزيزتي لا تنسي الدعاء الدائم لهم بأن الله يصلحهم ويصلح من حالهم ويحببهم في بعض ويجعلهم يد وحده بإذن الله..ويرزقكي برهم يارب..
أتمنى أكون أفدتك ولا تنسينا من صالح دعائك..

توني شفت هالرابط وبإذن الله يفيدك..
http://forum.hawaaworld.com/showthread.php?t=411747

أختي الكريمة هل انت قريبة لهم بما فيه الكفاية ؟
هل تستمعين وباستمرار لشكوى احدهم من الآخر وتقومين باللازم من العقاب بالطريقة التربوية .
اختي ان عدم الأستماع لشكواهم من بعض ومراقبتهم ومتابعتهم تسبب الحقد الأزلي
وهذا يعاني منه الكثير من الأخوة والأخوات
لأنهم لاحيلة لهم الا الكره
فلا احد يحكم بينهم
ويعلمهم كيف يحسنون التعامل مع بعضهم
لحظة وقوع الخطأ
اختي الكريمة احرصي على كل تلك النقاط والا ............رددي اللهم سلم سلم

مارايك ان تجلسي مع كل واحد على حدا وتستمعي له عن سبب ضيقه من الآخر وحاولي ان تجعلي كل واحد يقدم خدمة للآخر واحيانا هدية حتى لو منك على اساس انها من اخيه والله يصلح بينهم .

salan
أكثري من الدعاء ان الله يألف ذات بينهم ويحببهم لبعض....
أعرف وحده تقول أنا السبب في عدم حب بناتي لبعض...كنت أتخذ معهم دور القاضي أسمع لشكواهم وأحل المشاكل ولكن مع الوقت ولما كبروا البنات عرفت اني أخطأت لو تركتهم يتهاوشووون ويحلون مشاكلهم مع بعض كان أحسن....

رد الأخت قمورة رائع ويصلح للبداية مع الأطفال الصغار(ان شاء الله ابطبقه)
وبالنسبه لأولادك (13-9)انصحك أولا بالدعاء.....
ثانيا..حبيبيهم لبعض..اذا واحد ذكر الثاني بشيء حسن اذكريه خاصة اذا كان من قال الكلام مو موجود....(بس لاتقوليين شفت أخوك وشلون يحبك ..شفت وش قال!!)
ولكن بطريقة غير مباشرة يعني كنك ماتقصدين..
ثالثا..اذا راح واحد منهم لشي عطيه فلوس له ولاخوه عشان يشتري له شي ومو لازم تذكرين للثاني انه منك :D :( ..

أسأل الله الذي ألف بين الأنصار والمهاجرين أن يؤلف بين أولادك وبين كل المسلمين وأن يجعلهم قرة عين لك..

شكرا لكل واحده ردات على الموضوع والله يعطيكم العافيه
الله يهدي اولادي ويصلحهم