اولا عتاب وثانيا استفسار عن حركة الجنين

السلام عليكم ورمة الله وبركاته

ياريت من المشرفه اللي حذفت موضوعي على الاقل تنبه برساله خاصه .. لانها حركه ابدا مب حلوه ...

انا مضايقه من موضوع وحبيت الاخوات يفيدوني وكل وحده حالتها مختلفه عن الثانيه .. فا ليش ينحذف الموضوع بدون حتى ما تنبهون العضو.. كل شي احبه في المنتدى إلا هاي الحركه تضايقني..

او على الاقل اذا الموضوع عن معلومه مكرره احذفوها بس مب تحذفون الاستفسار... !!!

صح يمكن الموضوع من عنوانه مبين انه مكرر بس الاستفسار غير .. لان كل وحده حالتها غير عن الثانيه ..
:(

ارد اكرر استفساري واتمنى القى جواب من الاخوات..

السلام عليكم ورحمة الله وبركاته

اخواتي .. مالي غيركم بعد الله عزوجل ..

خواتي انا حامل في الاسبوع 15 .. وهذا مب اول حملي لي ولله الحمدل عندي 3 اولاد ومره وحده إجهاض..

باولادي الثالثه .. ماشاء الله حسيت بحركه اول واحد في آخر الثالث والثاني ايضا في اخر الشهر الثالث .. والثالث في اول الرابع ..

إلا هالمره ما حسيت لين الحين بحركه الجنين واللي مخوفيني انه عكس اللي قريته يعني البكر ما تحس بحركة الجنين إلا متأخر انا صار اللي العكس يمكن لاني كنت ضعيفه كان وزني 41 كج وبالثاني والثالث بعد وزني ما يتعدا 43 بحملي هالمره كان وزني 45 او 46.. بس اللي مخوفني ليش ما حسيت بحركة الجنين .. في الاسبوع 13 رحت العيادة وفي التصوير بين ان الجنين يتحرك .. بس ما احس بحركته ..

هل ممكن بسبب قبل لا احمل هاي المره مسوين لي عملية تنظيف بسبب الإجهاض.؟ او في سبب ثاني ... افكر اسير المستشفى .. شو روا علي اسير ولا هالشي عادي وفي حد صار له نفس الشي وكان الجنين بخير ..

طمنوني الله يطمن قلبكم يارب..

ملاحظه: حاولت بعد الاكل اني انسدح ( اطيح ) على ظهري واحس بحركه الجنين بس بعد ما حسيت ونفس الشي على جنبي اليسار.. انا ومافيه كرشه تمنع اني احس بحركة الجنين .. لدرجه اني ادا كنت على ظهري احس وين مكانه لانه يكون مرتفع عن باقي البطن وايبس .. بس ما احس بحركه بس احس بنبضي ..