سلام عليكم وصباح الخير ياسهرانات
قلت اكتب هالموضوع عشان شوي نتفاءل ويخفف عننا
مواضيع هالقسم صراحه تحزن بعضها
هذه حكاها لي زوجي سالفه موظف معه بالعمل كبييييييييير بالعمل عمره يقول 50 او فوق شوي
لكن قبل مااسولف امانه انهم تقولون:
ماشاء الله ولا حول ولا قوه الا بالله
متزوج زوجه وحده ماغيرها وطبعا لهم عمر وعيالهم كبروا وتزوجوا وهم مازالوا ع حب بعض
حب ابائنا اول يقدسون الحياه الزوجيه مو ازواج هاليوم
يقول زوجي كل يوم يجيب معه فطور وغالبا يجيب للجروب هي تسوي الفطور بنفسها ولين تدق عليه بالجوال يرد قدام الجميع هلا عمري عيوني وحشتيني
ولاهو دق بعد الفطور عليها يبي يشكرها هلا حبيبتي شريكه عمري يسلم يدينك ع الفطور والله ماعمري ذقت فطور احلا من اللي تسويه يدينك
طبعا غير لما يكلمها وقت الظهر ووقت اشتياقه لها: هلا كوني وش الغدا اليوم
هلا فلانه وحشتيني قلت اسمع صوتك
عاد يقول اسمها كاش وعايش حياته ولا متأثر بالزبران اللي معه بالعمل
طبعا هذا بعض الكلام اللي حفظه زوجي
يقول غير الكلام اللي يقول كأنه شباب ماشاء الله عليه او كأنه كلام شاب مغازلجي هالجيل
يقول بعض الموظفين ينتقدون انه عيب يكلم حرمته قدام الرجال كذا وهو ولا هامه بايعهم بنص قرش يقول حلالي وهذه حياتي
هالشايب هو اكبر واحد بالجروب عندهم زوجي يقول هو الوحيد اللي كذا مع زوجته بعكس زملائه اللي معه بالعمل طايحين نقد يقولونهالزمن اللي يسوي كذا نقول يكلم صاحبته مو زوجته وعيب اصلا
حتى مسكه الــيد بالسوق او اي مكان عام!
ما عدا هالشايب الله يهنيه بزوجته ويهنيها فيه ويبعد عنهم الحسد
لدرجه اني قلت لزوجي لاتحكي لاحد لايحسدونهم
انا عاد قلت لزوجي تكفى وخر عن الشباب البزران اللي معك وخلك مع الشايب احسن تخرب حياتنا الزوجيه وماتصير زي مانبيها
انا صراحه ع كثر مايحكي لي زوجي عن زملاءه بالعمل وعقليتهم مع انهم شباب صراحه قمت اخاف ع زوجي يتأثر فيهم هههه
قلت اكتب لكم هاللي سمعته من زوجي عشان اقول لكم انه دام الله موجود الدنيا بخير والله يبعد الطفيليات اللي مثل هالشباب المعقدين واللي يحبون يخربون حياه غيرهم بتفكيرهم الجاهلي --- لو انهم ينصكون عين كان ادهرت فيهم
بنات لاتنسون تذكرون الله عليهم
ماشاء الله ولا حول ولا قوه الا بالله
حتى لو ذكرتوها لاحد او منتدى ثاني
ورد
*ورد أحمر* @ord_ahmr_3
عضوة جديدة
يلزم عليك تسجيل الدخول أولًا لكتابة تعليق.
دموع الدلع
•
ماشاء الله تبارك الله
ههههههههههههههههههههههههههههههههههههههههههههههههههههههههااااااي
ياحليلهم ماشاء الله ... الله يخليهم لبعض ولايفرقهم ان شاء الله ...
تسلم يمينكـ يالغلا ...
ياحليلهم ماشاء الله ... الله يخليهم لبعض ولايفرقهم ان شاء الله ...
تسلم يمينكـ يالغلا ...
الصفحة الأخيرة