اولياء امور طلاب المدارس العالمية بجدة تعالوا ندردش شوي

طبعا نهاية السنة على الابواب وانا حابة اسجل عيالي في مدرسة عالمية تكون شديدة بالدراسة ونحن السعوديين للاسف حصرونا في مدارس معينة وكلها تقريبا مناهج امريكية
والواجبات جدا شحيحة يعني مدرسة زي كده احسها ضياع للفلوس
انا مسجلة عيالي في مدرسة جدة العالمية في الخالدية
مدرسة فاشلة بمعنى الكلمة وادارة فاشلة خاصة مستر جو اللي زي قلته ماعنده شغلة الا يقعد للعيال لاتلبس الجاكت الفلاني والبس جاكت بلون معين يكون بدون هود (غطا الراس)
واذا جيتي المدرسة تبغي تقابلي المدير او مسؤول يصرفوكي بحجة انه مشغول او عنده اجتماع ولازم تاخذي موعد سابق
عشان تقابلي المدير ّّّّّّّّّّّّ
واحسها تهتم بالظاهر اكثر من المضمون
وانا ماسجلت عيالي فيها الابعد السوال عنها بس للاسف تغيرت المدرسة من بعد ماحطوا مستر جو وغيروا المناهج وغيروا الاساتذة وهي نفس السنة اللي سجلت عيالي فيها
ودحين قاعدة افكر في المنارات العالمية ومدرسة الحجاز العالمية ابغى مدرسة تكون شديدة وتعطي تمارين كثيرة

بليز بنات نشطوا الموضوع باضافة تجاربكم وخلي الكل يستفيد