اوليدي ابو شهرين ومعانته مع الامساك؟

حرام عليمي عصير برتقال صعبه

اسالي الدكتوره افضل لكي

انا كذا ولدي بعد كم يوم يخلص شهرين
وغيرت الحليب كذا مره

والحمدالله اعطاني الدكتور بيبيلاك اي سي

والحمدالله ناسبه
افضل ااسالي الدكتور

حبيبتي ترى الإمساك حالة طبيعية عند السن هذا لما يكبر شوية يصير عنده كل شي طبيعي أنا أولادي كلهم كدا وما يتحسنوا إلا بعد ثلاثة شهور ....عموماً في ميلوبا للمغص أو لآلام البطن والله ما أدري شي زي كدا ناسية أعطيه منها مرررة طيبة أو يانسون بس لا تغليه حطي ملعة في كاسة موية حارة وحليها 10 دقايق وبعدين صفيها بمنديل يعني حطي منديل على المصفاية الصغيرة وحليها بشوية سكر نبات وإذا ما اتقبله زيدي السكر .....كمان النعناع المغلي ممتاز ممكن تضيفيله كم حية حلبة وتغليه وبرضه حليه بالسكر النبات ...وابعدي عن العسل تماماً ....سويلوا كمان عصير التمر والله مرررة ضروري جيبي اربعة أو حمسة حبات تمر سكرية أو النوع اللي تفضليه وأنقعيه في موية حارة وحركيه وأهرسيه كل فترة بالشوكة الين ما يذوب بعدين صفيه وخفيفيه بموية وأعطيه لطفلك وحطي الباقي في الثلاجة وعند الحاجة ضيفيله موية حارة وخلاص ......ولا تصدقي اللي يقولك لاتعطي طفلك شي هادي طلها أشياء اتعودنا عليها وسمي على ولدك واعطيه ولا تقلقي كله طبيعي ممكن لحد أربعة أيام بس لو زاد لأسبوع وديه لدكتور أنا ولدي كان كل أربعة حمسة أيام يوسخ ودحين الحمد لله صار في اليوم مرتين لأنه كبر وصار عمره ستة شهور والله يخليلك ويحليلنا عيالنا أجمعين يااارب..

لا تعطينه عصير برتقال و لو مخفف عشان ممكن لا قدر الله يسبب له حموضه و بعدين الجهاز الهضمي ما يكتمل الا بعد الشهر الخامس

ولا تغيرين له الحليب كل شوي عشان ما يزيد عليه الامساك و شربيه ينسون دافئ و ان شاء الله يصير كويس

بنتي يوم كانت عمرها شهرين جاها امساك وقال الطبيب لها عطيها ملعقة عصيربرتقال مخففة بالماء لان يقول بعد الشهرين خلاص عطيها العصير ذا

اختي العزيزة روز البراهيم انا انصحك انك لا تغيري حليب البيبي كل اشوية خليكي على نوع واحد من الحليب ولا تعذبين النونو كثير وصدقي اعراض ابنك عادية انا ابني كان حالتة مثل حال ابنك وزي ما قالي الدكتور بتاع الاطفال ربي يبارك فيه ان الطفل راح يسمن اقصد انه راح ابنك ان شاء الله راح يكون دبدوب صغير وحلو ان شاء الله وهي حالة طبيعية وانتي اذا شفتيه انه طول في الامساك اعطيه تحاميل بتاع الامساك وتلاقيه عند الصيدلي اتمنى ان نصيحتي تفيدك وربي يباركلك بابنك ويجعله من الاولاد الصالحين ولجميع المؤمنين ان شاء الله