اول اختراعات حفيدة حصه .... يوجد طبخه بالداخل

السلام عليكم ورحمة الله وبركاته ...
هذي اول مشاركه لي معكم .. وبنفس الوقت اول اختراع من اختراعاتي >>> شوي شوي يانيوتن ..

المهم مالكم بالطويله
تجيبين صدور دجاج مخليه وتقطعينها مثل الكودو يعني وسط
التتبيله (وهذا السر ) فلفل اسود \ بودرة تشيلي حاره \ ملح حسب الرغبه
تكونين حاطه الدجاج بزبديه وحطيتي عليه البهارات بعدها تجيبين علبة الخردل وتصبين وتحركين بنفس الوقت لين يصير الخليط اصفر تقريبا .. بس لازم يكون لون التشيلي شوي باين ... بعدين تلبسين قفازات وتخلطين المقادير بيدك بحيث تحسين ان التتبيله تغلغلت فقطع الدجاج
بعدين غلفيه بنايلون وحطيه بالثلاجه ساعه بعد كذا حطيه بقدر على النار بدون زيت ولا شي لين ينضج
بس غطيه عشان ما تنشف مويته ويكون فيه شوية رطوبه

اثناء مايكون الدجاج على النار جيبي خس امريكي وقطعيه شرايح طويله وحطي عليه ملعقة مايونيز وملعقة صغيره خردل ... واذا كانت كميتك كبيره بتزيدين المقدار بس اهم شي يكون الخردل نصف مقدار المايونيز >>> وللأمانه هذي الطريقه اخذتها من المنتدى

تدهنين مقدار ملعقه على شريحة توست وتحطين فوقه شريحة طماطم بعدين الدجاج وتغطينها بشريحة توست وتضغطينها بالة التوست...

وراح يكون الخردل هو سر طبختك وانتبهي تفضحين السر

اتمنى تعجبكم الوصفه مابي منكم غير الدعاء

واي استفسار انا حاظره

حفيدة حصه