تسلمى و تعيشى يا نورهان...نورتى
fadwa mansour الف شكر يا حبيبتى كلك ذوق
شوفى يا جميل الشمع المستخدم اسمه شمع البرافين و ده نوع نضيف لان لونه ابيض نقى و كامن بيبقى صلب بعد الشمعه ما تنشف..و فى نوع تانى اقل منه فى الجوده و السعر اسمه شمع اسكندرانى بس ده لونه اصفر بس انا باستعمل شمع البرافين و باشتريه بالكيلو من عند العطار
الالوان اللى انا مستخدماها الوان شمع اللى كنا بنرسم بيها زمااااان دى..انا جبت علبه الوان شمع و لما اجى اصهر الشمع اقطع حته من قلم الالوان و اصهرهم مع بعض فيقوم الشمع يتلون....لكن فيه عند العطار برضه حاجه اسمها بودره تلوين الشمع انا ما استعملتهاش لانى لقيت الوانها فاقعه اوى و انا بحب الاوان الهاديه زى اللى انتى شوفتيها..
الفتيل اللى انا استعملته هو خيط قطنى اسمه خيط التنجيد..يعنى الخيط اللى بنستعمله فى تنجيد المفروشات ..و المعلومه دى انا قريتها فى منتدى تانى و جربتها و نفعت
شمع الجيل لا لسه ما جربتوش..و فى المنتدى التانى لقيت بنت واحده بس هى اللى استعملته و بتقول جبته من العطارين الكبار فى منطقه الحسين والله اعلم
عموما ان شاء الله انا هبقى متابعه الموضوع ده و اى حاجه جديده اعرفها هقولك على طول
و الف شكر على مرورك و تشجيعك
وتسلم ايدك مره تانيه على شغلك الحلو وانشاء الله نتعلم منك دائما