اول شي بعطيكم فكرة شلون ياتني طريقة هالخبزة اللذيذة
كنت بالمستشفى مع بنتي
وفيه يمنية تشتغل هناك يحليلها قامت تسولف معاي وطلع طاري الخبز وكانت تشرح لي شلون تسويه وانه يطلع لذيذ شوقتني وهي تسولف
قلت بجربه واشوف ايش يطلع
بعد اسبوع قلت ليش ما اسوي طريقتها بس بقلل المقادير خاصة وانها تجربة
اخذت كوب طحين ابيض
نص كوب بر
مع ملعقة صغيرة ملح وملعقة صغيرة سكر وربع ملعقة ص بيكنغ باودر وفنجان قهوة زيت وماي حسب العجن
بعدما عجنتها خليتها ترتاح لمدة ساعة
مافيها خميرة ما انتفخت لكنها ارتاحت وهذا اللي حسيت فيه بعد ما مسكتها صارت اطرى من قبل
قسمتها الى كور صغيرة ودهنتها
حطيتها في الملة وغطيتها وخليتها ترتاح عشر دقايق
بعدين اخذت كل كرة وفردتها رقيقة كلش
ثنيتها مع على الاطراف وفي كل حركة امسح عليها مسح خفيف زيت
يصير شكلها مربع
وفردت وحدة ثانية وحطيت بوسطها بعد وحدة صاروا 2 في 1
واطبقه بنفس الطريقة
صارت حارة
حطيت الخبز
وسويت وحدة حطيت فيها 3 طبقات
وطبقتها نفس الطريقة بس رقيتها بعد التطبيق اكثر حفت ماتستوي وحطيتها عالصاجة
اقلبها وامسحها زيت
هنيه بعد ما استووا
خليت الكبيرة تحت والصغار في حضنها كنها امهم ههههههههههه
قدمتها مع القشطة والعسل وهي حارة تدوخ
وبعد ما سويت طبقة وطبقتين وثلاثة
اكثر شي عجبني ام طبقة وحدة حسيتها خفيفة وحلوة
ان شالله يعجبكم
باقي اعزم اخوي عالفطور واسويها له لانه يحب هالحركات:26: