...
راح اطرح موضوع يعيد لنا ذكرياتنا الحلوه والمره
موضوع حلو وخفيف ونوع من ترجيع الذاكره الى الخلف
..
حبيته يكون عن اول لحظات الولاده بالغربه وبعيده عن الاهل والاحباب ...
...
...
بما ان الموضوع تجربه مرت فينا احنى وازوجنا
كانت ذكرى لاتعاد لانه اول طفل واول ولاده واول تربيه ,,,
خلونا نحكي ونسولف عن شعورنا الاول في طفلنا الاول
وتجربتنا بحلاوتها ومرارتها ,,
,,,
باختصار والمفيد ,,
اتخذت قرار الولاده انا وزوجي بالغربه ,,
حبينا يكون نوع من المغامره والتجربه ..
كانت عندنا خيارات كثيره من الاهل بان ارجع باخر الشهور واولد قريبه منهم
على قولتهم( بكريه وصغيره ولسى عروسه ,),
سكرنا باب الاخذ والعطاء والخيارات والضغوط النفسيه الي مرينا فيه,,,
بدت الايام الاخيره تقترب والكل يترقب ومن بعيد
ماما تقولي: اذا جاتك الواده لاتحرقين قلبي وتخليني احاتيك
لاتخبريني الا والبيبي معاك
خالتي ام زوجي تقول :خلوني معاكم عى اتصال,,,
الكل يترقب والمكالمات شغاله ..؟!!
هاه جى شي؟؟
ولدت؟؟
بشرو؟؟
,,,,
في اليوم الموعود
رحت زياره لدكتورتي
وقالت : ان الجنين عنده نقص في الاكسجين وراح اكلم الاطباء الاكبر مني
يسمونهم الكلاب الكبيره ..هع
وبشرح حالتك وبنقلك على الهلكوبتر اذا يتطلب ولاده سريعه ...
(كنت باول التاسع)
واخذت من التاسع اول 3 ايام
,,,
اخذت الاجراءت من 2 الظهر الى 6 المغرب والعياده فاضيه الا من الدكتوره والممرضات ..
جى الخبر وقالت تقدرين تروحين البيت وان شاءالله يوم السبت تيجين واولدك
البيبي بخير والحاله مستقره ,,
ويمكن تولدين قبل السبت ,,
وكان اليوم الثلاثاء,,
,,,
..
الحاله والانتظار كان قاتل وممل
مجهزه الشنطه وجالسه يدي على كتفي
لاطلعات ولا تمشيات
خفت يطلع لي فجاءه ويقول :هلو ماما
وكنت مجهزه لبس بالصاله
عشان لجات الولاده اكون البسه بسرعه
(افكار غريبه هع)
....
تعبت يوم الجمعه بالليل الساعه 8 ورحت لها
وقالت: شرايك نبداء الان ولا بكره الصباح ؟؟
(مافيني انتظار انا وزوجي وقررنا نعجل الولاده)
واخذت طلق صناعي على 11 الليل,,
...
بدا الطلق والالم خفيف وكنت اسولف واضحك واقول الولاده سهله ,,
كانت ترد الممرضه وتقول (ههههههه لا لسى مابد اللعب)
...
الساعه5 الفجر
حسيت بمويه حاره تنزل مني من تحت
((المضحك بالامر الكل كان يقولي شيلي الاندر وير وانا كنت رافضه تماامااا))
بكريه وخجوووله,,
(لحد الان الاندروير عندي لذكرى وكل مايخص ليله الولاده )
جلست دقايق استوعب الامر واقول لنفسي يمكن هذا البيبي ..!!!
بس مافيه صوت ؟؟!!
(زوجي كان بدوره المياه اكرمكم الله والممرضه تجيب لي مويه)
خبرتهم بالي حصل ,
قالت :بدينا اللعب الان وهي تضحك بصوت عالي
.....
الان جاني شعور الخوف والرهبه من اللحظه هذي وخروج البيبي والمسؤليه والتربيه
,,الخ
جلست ابكي واذكر الله وبداء الالم القووي الي مايتحمل
من 5-7 كلها طلوق قويه جداا
وكنت مؤدبه واذكر الله واتنفس واقراء قران
,,وبعدها طلعت على حقيقتي وجلست اصارخ واطق زوجي وارفس الممرضه
واقول ابي الابره ,,
على 8 اخذت الابره وبسرعه بداء المفعول وروقت
(الدكتوره تقول لزوجي تعال شوف راسها وشعرها بتطلع الحين)
(كنت اهدد زوجي وانا مبتسمه عشان ماتفهم الدكتوره,واقول ياويلك لو تطل تحت )
ياويلك تنزل عيونك؟؟
((استوعبنا الامر :قلنا بنت ؟؟!! شعرها ..؟؟انتي قلتي ولد ومتاكده ميه بالميه ؟؟!!))
انا تكدرخاطري وقلت لا لا ابي ولد
وزوجي يقول بنووته يافلانه ؟؟ بتدلع حلوه وووالخ
(مدري ليش الرجال يحبون البنات والحربم يحبون الاولاد)
؟؟؟
9ونص طلع اول فرحه
وطلع ولد وشعره بسم الله ماشااءلله لحد رقبته واسود وناعم
كانت مشاعرنا ممزوجه بالبكاء والدموع والتصوير واللعب والمزح ..
اخذت الجوال وكلمت ماما وهم لسى يخيطوني
قلت لها انا ولدت
جلست تضحك وتقول :
مو مبين من صوتك ولا من ضحكك
قلت اسمعي البيبي يبكي وهذا زوجي كلميه ..
وفعلا جلست تبكي وتدعي الله ووالخ
(تقول اختي كنى كلنا مجتمعين يالعائله ,و نتكلم فيك ونقول غريبه فلانه ماكلمت .؟اليوم ..يمكن ولدت )
وشوي الجوال يرررن ,,
..
...
المفيد:
قرار ماتندمت على اتخاذه انا وزوجي الحمدلله
جربت الولاده واول مره تجربه جديده ونوع من انواع المغامره المخيفه
وحبيته يكون معاي ويشوف الصعوبه والتعب الي راح امر فيه ,,
خليته يساعدني بطفلي ونتقاسم انا وااياه مسوليته من اول لحظه
والتناوب فيه بالليل وفي شغل البيت ,,,
,,,
((المضحك بالامر كنا كل ساعتين نغير الدايبر للبيبي))
...
((المضحك ان الحضانه كلهم بيض وحمر وصلعان هع
الا ولدي والي يجي يزورنا يشوفه بالحضانه ويعرفه ))
علامة الجوده لونه وشعره
,,
تدرون عاد
لمى اتذكر الايام انا وزوجي يجينا شعور بكى وذكريات حلوه
واتمنى ترجع
...
مريت بتجربه ولاده ثانيه في الغربه كمااان
بس مثل الاولى ابد مااااااااااافيه ,,,
ابي منكم تشريفي في موضوعي ,,
تخبرونا الي مريتو فيه بدون قيود او تردد
خلونا نضحك ونستمتع ونسترجع الي راااح
عيوش ..ياشين التقليد