ماشاء الله ابدااااااااااااااااااااااع
ننتظر التكملة
موفقة ياااااااقلبي

مرحبا
انا لسه ماسافرت اليوم ان شاء الله

نبدا الشغل اليوم الخميس مثل ماوعدتكم
اخلصها والحمدلله خلصت وحده على السريع عشان مااقطع عليكم الشرح

نبدا بسم الله

بعد ماصبغت اسفل الطاوله بالذهبي والاعلى بالبيج استخدمت اسفنجة البحر للتنقيط كنت بسوي زخارف باللون اللؤلؤي خفيف مثل اصباغ الفيلفيت بس قال لي زوجي انها مو مره حلوه عشان كذا بدلتها بالاسفنج وخليته منقط
بالذهبي



وبعده بالاستنسل بالايربرش او الاسفنج نسوي الزخارف
انا اخترت هذي مشتريتها جاهزه فيه شوي خطوط انا اضفتها
وانتم ممكن تسوونها تطبعونها من الفوتوشوب وتكبرونها ولو فرغتوها وسويتوها استنسل بتكون احلى وشغل مرتب






وبعدها رشيت شوي بالايربش على الزوايا مثل التظليل الخفيف




وبعدها تعتيق الذهبي اللي اسفل والارجل بالاسود والبني المحمر ادهن الاماكن العميقه وبعدها امسح بقماش مبلل بشوي مره تنر
والتعتيق يكون اما بالالوان الزيتيه او الصبغ الزيتي (البويه ) او الحبر الصيني وهذا انا ماجريته انا عتقت بالالوان الزيتيه







واخيرا الورنيش مثل ماقلت لكم انا احب استخدم اللكر للارجل اللي هو نص لمعه واللي فوق بلمعه
وفيه نقطه سالتني عليها الاخت دعن عن الالوان وانها ممكن تزول والا تتخدش بسهوله وان لازم صنفره اول
انا بجاوبكم عن هالنقطه بحسب تجربتي
طبعا كلما نعرف انه لازم صنفره قبل الصبغ بس انا اكره شي اسمه صنفره صرت اسوي شي ثاني هو صنفره بس على خفيف
صرت اصبغ والون وارسم ولما اخلص قبل الورنيش احط مادة الباور اون
واللي استخدمتها تعرف انها صعب التعامل معها لانها تطلع فيها مثل الفقاعات وماتصير مره نقيه فيها شوائب
بس انا بعد مااحطها وتجف لثاني يوم اصنفرها الين تروح الفقاعات ويتساوى سطحها وبعدها امسح السطح مضبوط من بقايا الصنفره و احط فوقها اللكر يعني انا استخدمها مو للتلميع لكن كطبقة حمايه لانها قويه وتحمي السطح بقوه ومكتوب انها تعادل اظن 20 طبقة ورنيش
هذا من تجربتي وعلى فكره مادة الباور اون كنت اظن انها ماتزول لكن لقيت نوع من التنر اسمه تنر بارد هو الوحيد اللي ممكن يزيلها ويخففها
ترى والله يابنات
اعطيتكم نتايج تجاربي وحوساتي في محلات الاصباغ والاشياء اللي اكتشفتها وابي منكم دعوات صادقه بان الله يحقق لي اللي بخاطري
ابيها بظهر الغيب ولكم مثلها يارب
ادري طولت عليكم بس حبيت اشرح كل شي
والحين اخر شي بعد التلميع







انا ماحطيت الباور اون لاني ماعندي وقت الين يجف
حبيت اخلص لكم العمل قبل سفرتي
ادعولي ارجع بالسلامه ويرجع ولدي بالسلامه من سفرته

ويارب انه يعجبكم ومايكون انتظاركم راح عالفاضي

وهذا
آخر شي مقارنه قبل



وبعد



ورايكم يهمني حتى لو مااعجبتكم عادي اتقبل النقد ونتعلم

تحاتي :
اميره امير

رااااااائعه ابلا اميره والله انتي اميره بإبداعك بجد

الله يوفقك يارب

دمتي مبدعه ياذوق

تسلمين باقلبي والله الاروع هو مرورك وتشريفك لموضوعي