اول تطبيق لي ساعدوني

السلام عليكم
بصراحه محتاره
واول مره اطبق
ومره الكليه مو فايدتنا تعطينا طرق قديمه ولا نفهم شئ اصلا عالدكتوره
ونروح للمدرسه يقولون لنا هذه وسائل قديمه انلغت
نجي نقول للدكتوره تقول مادري هذا الي المنهج المطلوب تدريسكم
وهالدكتوره اصلا مابتحضر لنا ,,الي بيحضرون لنا بعضهم مايدرسونا
المشكله شنسوي لو المعلمه جات تقيمنا وهي تطلب وسائل غير
يقولون الحين اغلبهم يبون اوراق عمل بشكل الغاز ومسابقات
بصراحه ورتنا اياها الاستاذه عالسريع بس مو فاهتمتها
يعني يبي لها تفكيررر وابداع وابتكاررر وانا ماعرف شئ تو عالتطبيق
ومارضت الاستاذه تعطينا اياهم تقول ابتكروا انتوا
المهم درسي
ثاني متوسط
عن موريتانيا الدرس فقط الصفحه الاولى
الموقع والحدود والسطح وماعرف اذا المساحه وعدد السكان مطالبين فيها او لا
,,في استاذه مره مشدده وتبي افكار عاليه بس هذه احسها مو مره
ثانيا التطبيق يوم الاربعا وعندي اختبار الثلاثاء وايامنا مره ضغط ومانرجع البيت الا متاخر
يعني ابي اجهزز من الان واخلص
الاسابيع الجايه بدل اختبار واحد اختبارين !!! يالله مدري كيف بنطبق

المهم الحمدلله تشاركت مع زميلتي نفس الدرس هي حصه وانا حصه ثانيه
لكن المشكله ان الحصص ورا بعض
قالت الاستاذه بتعطينا لوحة قارة افريقيا
قالت تبون اعطيكم موريتانيا جاهزه قلنا لا لان ماينفع جاهزه
لازم اما صماء او رسم ونحدد عليها مع البنات
الحدود والسطح
فكرنا بنسويها صماااء على فلين ونغلفها
نكتب مثلا الحدود بقلم سبوره
مثلا التضاريس نرسمهم بورق مقوى ملون ونخلي البنت تلزقهم بدبوووس
بس عصرت مخي وماحصلت الا هالافكار خخخخ
دكتورتنا لمادة الوسائل معنى ازعجتنا على الوسائل الوبريه والجيبيه الا انها الحين
تقول الاحسن نهاية الحصه توزعون بطاقات او مطويات بها اساله!
كنت افكر اجيب سلة واجيب مطويات مثلا واحرق اطرافها كورق قديم بس ماعرف
مو عارفه شنسوي لنهاية الحصه الاسئله كيف تصير نحطها بلوحه او بطاقات او مطويات ؟
لان حتى قالوا ممكن تجي الدكتوره فجاءه لاي مدرسه واخاف تجي لنا ولاطبقنا شئ من درسوهم
لالوحه وبريه ولا شئ
الهدايا فكرت احطهم بسله واجيب شوكولاتات جالكسي وكذا احس بتجذب البنات اكثر بما انهم متوسط مو ابتدائي
ولا ايش رايكم الهدايا والتغليف سجذبهم اكثر ؟؟؟
قالت جيبي ورقة عمل من خلالها مثلا يستنتجوا عنوان الدرس
او مثلا فقره من الفقرات عليها ورقة عمل بس خايفه يصير ازعاج خصوصا وان فصلي شر
الواجب ممكن ورقة عمل او من اسئلة الكتاب حتى
وبصراحه مو عارفه كيف اعمل مقدمه
وحابه اسال مثلا لما اجي بسالهم عن الحدود او التضاريس اسال اول او اشرح اول ؟؟؟
<<بجد ماني عارفه شئ
يعني جغرافيا دول مادخلنا الا حصه وحده
والمعلمه الثانيه كانت تطلب حركات مره يعني مثلا بحصه بس كانت تاريخ واحنا مو مطبقين الا جغرافيا
المهم قسمت 3مجموعات كل مجموعه 5بنات مثلا
جابت لهم كلمات متقطعه يركبونها من خلال الكلمات يستنتجون شئ من الدرس مثلا هالشئ
اسم صحابي مثلا وتجيب تركيبه لعبة اطفال وتقول يكونون بها شئ من الدرس مثلا بنى قلعه كذاا
بس احس هذه افكار تصلح للتاريخ مو للجغرافيا ><
وبعد عطتهم زي فك الشفرات للجغرافيا بس للاسف لما دخلنا الجغرافيا كان الدرس قصير وعالسريع لان عندهم اختبار
وايش قصة القبعات الملونه؟
:44:
مره محتاره ومو عارفه شئ
ساعدوووني بليييييييز