اول حمل لي وابي عياده او مستشفى ممتاز اراجع فيه في الرياض

7 يدخلون ولا وحده ردت حرام عليكم ردو علي

أختي عيون الشوق أول شي ألف مبروك، ثانيا عليك بالراحة النفسية والجسدية والتغذية السليمة، وبالنسبة لسؤالك بالنسبة للحبيب عندك الدكتورة سنية وجنسيتها سودانية ‘ هذي الدكتورة جامعة كلش ماشاء الله نفس حلوة وملتزمة وتجي وقت الولادة في أي مستشفى وأهم شي خياطتها ممتازة بس عليها ضغط يعني تروحين وتنطقين لين تقولين بس .
أما الحمادي أشوف البنات يمدحون وحده ا سمها دعد ( خياطة ومراجعة) وعنايتهم ممتازة وغرفهم حلوة .
أما دلة فغرفهم بعد التجديد حليوة ، وعندهم الدكتورة لمياء بس على حسب النفسية ، وأنا ماأحب هذا المستشفى أحسه مستشفى عمال ( رأي شخصي )
وأما مستشفى الملك فهد والله ماأدري عنه بس حكومي وش تتوقعين ؟؟؟!!
وكلام أهلك إنهم يستعجلون على القيصري مو صحيح بالنسبة للمستشفيات إلي سألتي عنهم ، وأكثر شي تلقين هذا في الألماني (غالبا) والمواساة ( أحيانا) ..
وعندك المملكة أنا والدة فيه، ويريحونك على الآخر وقت الولادة، وكنت أراجع عند فاطمة عسيري والكل مجمع على شطارتها لكنها ماتجي في الولادة إلا في حالات نادرة ، وفيه وحده ماامدحت خياطتها ......
عموما فيه موضوع تكلموا فيه البنات عن كل مستشفيات الرياض يمكنه في الصفحة الثانية أو الثالثة ، وماأعرف أحد روابط( عليمية)، اقريه كل وحده حاطه تجربتها بحسناتها وسيئاتها ، والله يتمم لك على خير.....

الدكتوره زينب حبيب مررررررررررره ممتازه ماشالله في مركز الحبيب وتولدك اذا تبين في الحمادي ودله..



خوووووووووووخة,,

والله انا اول حمل لي وتوني في نص الثاني ولا راجعت ولا مره الا عند فاطمه عسيري وزي ما قالوا نفسيتها حلوه وعندي موعد ثاني اليوم يعني هذا ثاني موعد لي من حملت مالي خبره في المستشفيات تبي تقولين ليه دخلتي اجل ابقولك عشان ماتشوفي كثير دخلوا وماردو
وسلاااااااااااامتك اقري في المنتدى واختاري انا رحت لفاطمه بعد ما قريت مدح البنات لها

شوفي عزيزتي بالنسبه للمراجعه أنصحك تروحين للمستوصف اللي حولكم أريح لك من الزحمه وبلاويها سواء كان خاص أو حكومي وفيه دكتورات ممتازات إذا تبينهم قولي لي أكتب لك أساميهم أم الولاده فيكفيك تروحين للمستشفى الشهر التاسع مع ملفك وأناوالده في الحمادي والحمد لله ولاده طبيعيه وأي سؤال أنا جاهزه