اول حمل لي ياريت اللي عندها خبره تساعدني

افا وينكم

ماشاء الله
الف الف مبروك والله يتمم لك ع خير
انا بجاوبك ع الشي الي اعرفو
انا نفس حالتك الم زي الم الدوره بس لازم تراجعي عند الدكتوره وتعطيك حمض الفوليك لانو يمنع بعد الله من التشوهات
انتي زي بنفس الشهر الله يتمم لنا ع خير

اللهم استودعتك جنيني فاحفظه من عندك

هلااختي الف الف مبروك والله يقومك بالسلامه انا مثلك اول حمل لي بس انا تعديت مرحلتك هههههه انا الان بالاشهرالاخيره

اول شي دكتوره كويسه انا ماعرف انتي وين بالضبط بالرياض بس شوفي مستوصف الثويني دكتورحافظ ومستوصف الجزيره دكتوره نيلي او مستوصف الكرامه دكتوره ماجده احسن مستشفى ولاده مادري للحين ماجربت وكيف حساب الدوره المفروض الدكتوره تقولك والارهاق مو زين للحامل حاولي ترتاحي قد ماتقدري اما الالم الي زي الم الدوره اذا كان قوي لازم تراجعين وشوفي دكتورتك انا كنت مثلكمعي الاام بس مو قويه ان شاءالله اكون افدتك ادعيلي ربي يسهل علي ويفرج همي

أول حاجة راح أقول لك الله يبارك لك بحملك ويتمم لك بخير ويرزقك الذرية الصالحة المعافاة

بعد كذا أحب أطمنك أنه لازم تمري بآلام و وحم وتعب و وقتها لازم تعرفي أن الحمل وهن على وهن فهذا شيء طبيعي
وأمهاتنا - الله يجزاهم عنا كل خير - عانوا علينا أكثر !

راح أجاوب على أسئلتك حسب معرفتي:
بالنسبة للدكتورة للأسف ما أعرف لأن المستوصفات بالرياض كثيييييييييير والناس يمدحوا حسب أوضاعهم المختلفة
فأنت شوفي الناس الساكنين حولك واسألي ثم استخيري وربي بيكتب لك الخير
وبالنسبة للمستشفيات
نفس الشيء حسب وضعك أنت
هل تقدري على أهلي؟ أو عندك واسطة تدخلك بالحكوميات اللي يمدحوها مثل الجامعي وغيره؟
بالنسبة للأهلي فيه ناس تمدح الحبيب لكن أسعارهم مرتفعة شوي
ومستشفى دلة أقل منهم بالأسعار
و رعاية الرياض والمواساة أظن أنها أقل
وهذي كلها أشوف كثير يمدحوها وكل على حسب حالته الصحية والمادية ..


بالنسبة لحساب الولادة :
طبيبتي كانت تقول لي نحسب 15 يوم بعد أول يوم بآخر دورة ويبدأ الشهر الأول
يعني أنت 2 محرم هو بداية حملك تقريبا
يعني احتمال ولادتك 2 شوال على خير ( إذا أتممت التاسع ) وحسب متابعتك للحمل راح تشوفي وضعك إذا هو تمام وأمورك حلوة أو احتمال ولادة مبكرة وكل شيء بعلم الله

بالنسبة للارهاق
انتبهي لنفسك
لا تكثري حركة مالها داعي
أو تصعدي درج وتنزلي كثير
ولا تحملي أشياء ثقيلة
وخليك وسط في كل شيء
وكمان لا تصيري كسووولة وما تتحركي بعدين يضرك الكسل !

بالنسبة للآلام مثل الدورة طبيعي بأول حمل لأن الرحم يبدأ يتمدد
وبالغالب تعطيك الطبيبة حبوب اسمها دوفاستن
تخفف عنك هذي الآلام وتضبط لك الوضع - بإذن الله - حتى تتعدي الأربعة شهور الأولى
وبالنسبة للفوليك بالغالب يصرفوه لك من بداية الحمل حتى الرابع أو الخامس تقريبا

هذا اللي أقدر أفيدك فيه
والله ييسر لك ما فيه الخير

المستقبل الله يجزاك خير ويثبت حملي وحملك ويقر عيونا بشوفة كتاكيتنا ^_^
سجو الله يجزاك خير ماقصرتي والله يقومك بالسلامه
أم ثابت الله يجزاك خير ماقصرتي انا دقيت باخذ موعد بالحبيب تخيلي قالو اقرب موعد بعد شهرين مدري احترت الله يسهل
ماقصرتو بنات الله يسعدكم..