غلاالروح :

ام العصافير .. يوم شفت مخطط بيتكم كان بالنسبة لي فرحه كبيرة لاني كنت اتوقعه مثلك ذوووق وشيك وحلوو .. ومثل ما قلت لك من قبل اذا تذكرين تقريبا ستايل بيتك قريب من بيتي لاني شفت ان مخططك قريب من بيتي في بعض الاشياء .. عندي بعض الملاحظات اللي احسها مهمة برأيي لابد تأخذينها بعين الاعتبار وان شاء الله تكون في محلها بالنسبة لك : اول شئ : اشوف ان مدخل غرف النوم دائما يكون على غرفة الملابس وانا اشوفه مو حلو بتااااااااتا طيب كيف تصير غرفة ملابس واهي اللحين صايرة مثل المممر كلها ابواب وفتحات ؟ لابد تكون معزولة اشويه غرفة الملابس عن غرفة النوم وهذا الشئ صحي اكثر من هو جمالي حتى لما تقعدين من النوم وفرضا لو كان في ملابس يبغي لج تدخلينها داخل الخزائن ما يكون المنظر مشوه وتحسين بالثقل والاعباء والشغل المتراكم عليج .. وثاني شئ ما تسبب لج حرج مع اي احد يدخل الغرفة وتكون ملابسك لها خصوصية اكثر .. ومنها ايظا تستغلي المساحه .. لاني اشوف ان مساحه غرفة الملابس وااااايد صغيرة خصوصا لغرفة نومك يعني حنا الحريم يبغي لنا غرفة شكبرها عشان بس ثيابنا ؟؟ وهذا غير ثياب ابو العيال ؟؟ ثالث شئ .. انا اشوف ان البانتري تقدرين تخلينه في الصالة العلوية وخصوصا انها ما شاء الله وسيعه وبتضيع فيها الاثاث ؟ وتحولين البانتري لحمام لان اذا كانت لكل غرفة حمام افضل واحسن ..خصوصية اكثر للعيال . 4. غرفة نومك مقارنة بالبيت وااااااايد صغيرة .. وماالك جلسة فيها لو حبيتي تقعدي بروحك مع ابو الشباب وما تتقيدي بلبسك ولا يتطفلون عليكم اليهال فالافضل تأخذين اشويه من الجزء الامامي للصالة العلوية وتحوليه لجلسة لان بتطلع غرفة نومك رهيييييبة وتقدرين تفصلينها بقوس على غرفة نومك عشان خصوصية اكثر للي يقعد فيها بدون ما يسبب ازعاج للنايم .. وتحطي فيها كمبيوتر ثلاجه صغيرة وتلفزيون يعيني يصير عندك جناح كاااامل مثل الفنادق .. خلصنا من الطابق الاول .. نجي للطابق الارضي .. انا اشوف ان المغاسل اللي جنب المطبخ التحضيري ما لهم داعي بتاتا تقدرين تعملين داخل المطبخ مغسلة وتستفيدي من مساحه المغاسل بعمل مخزن داخلي مثلا وانا احسن شئ عندي المخازن بالبيوت لاني متعقده من الاشياء والكراكيب اللي ما نبيها .. بس انتي هالمخزن مثلا تخصصينه للأشياء اللي تستخدمينها يوميا مثل المكنسة والمواد الغذائية اطقم الطعام .. كتب .. الخ بس حطي في بالك كسبتي مخزن ثاني ولا تقولين ما بحتاجه تذكريني بعدين بتلاقينه مملي ومو لاقيه بعد مكان للتخزين .. هذا غير ان انتي عندك مغاسل مجلس النساء .. ليش ما تفتحينه بفتحه على الصالة وتسكرين مجلس النساء بباب استر وتستغلي حمام المجلس لو ما عندك ضيوف .. حمام الغرفة نفس الشئ تخلين الباب يفتح على الغرفة مباشرة عشان تكون المساحه واااسعه عندك وغير جذي اجمل يكون شكل الغرفة .. عندي بعد ملاحظة .. الواجهة ما خليتيها ؟؟؟ ياريت تعرضيها عشان اشوفها واقولج رايي فيها لان واجهتك تراثية ولا غيرتيها ؟؟ واشوف ان بيتك من قدام صاير مستقيييييييم ؟؟ يعني ما فيه انحناءات ولا التواءات ولا شئ ؟؟ يعني كيف الواجهة صايرة ؟ وانتي مرة ذكرتي انك عامله غرفة شمس ؟؟ وينها الغرفة ؟ ما شفتها ؟ تراني تعبت كثير وانا اكتب لك وخصوصا اني توني استعمل الكمبيوتر من سويت العملية بس وااايد استانستت يوم شفت خريطة بيتكم وابشرك ؟>>> احنا غيرنا خريطتنا لطابقين اوسع واكبر .. !! ومع ذلك دفعنا مبلغ اخر للمهندس الجديد والله يوفقنا وياه .. بالتوفيق اختي ..

ام العصافير .. يوم شفت مخطط بيتكم كان بالنسبة لي فرحه كبيرة لاني كنت اتوقعه مثلك ذوووق وشيك...