اول خمس شهور من زواجي كرهت اهل زوجي بسبب

السلام عليكم 
كيفكم يابنات 
صار لي الحين سنتين متزوجه .. اول ماتزوجت بعد خمس شهور من زواجي رحنا انا وزوجي لاهله بحكم اننا ساكنين بمكان غير مكانهم وجلسنا معاهم شهر في هذا الشهر كرهتهم مررررررره وكرهت زوجي .. بسبب مواقف صارت من أمه وأخواته .. أمه مربيتهم إنّو لازم تعرف كل شي وانو لازال الولد المدلل لامه وانا مجرد وحده جيت من الباب لا اكثر على الرغم من وجود اخوان له .. مره من المرات خذاني زوجي من عند اهلي برمضان الصباح ووقت ماجئت بيتهم صحيت وتفاجأت وقالت الحين رمضان بمعنى ( وشهو له تجيبها الصباح وهو رمضان وش بتسوون يعني ) انا هنا انصدمت وتبلكمت ورحت لبيت اهلي وانا ابكي على الرغم اني ماعلمت احد من اهلي بللي صار لاني حسيت الكلام فشله .. وبعدها زوجي جا يراضيني العصر وانو امسحها بوجهه وماكانت تقصد أمه ومن هالحكي .. بس انا مقهوره مرررره بعدها زوجي طلبني اروح ولا كأنه شي صار ولا اعتذرت ولاشي ووقت ماكانو يشوفوني كانت وجيهم تتغير مادري انا وش سويت بالضبط عشان كذا يصير فيهم على الرغم من اني طيبه لابعد الحدود ومحترمه معاهم .. طبعا بعدها صارت جدا علاقتي رسميه فيهم ولا احتك كثير على الرغم من ان زوجي يعلم امه بكل شي ويكلمها اذا صار برى البيت .. بس والله يابنات انا من هذاك الوقت الى هاليوم وانا كل ماتذكر حركتها أدعي واتحسب عليها وقلبي مره مجروح منهم لانه ماصدر مني اي غلط تجاهم المشكله ماني قادره انسى هذاك الشهر اللي عشته معاهم وانا توني عروس .. وماقدرت اسامحها ابدا ابدا .. وكثير احيان احقد على زوجي إنّو مااخذ حقي وقتها أضافه الى مواقف منهم مااخذ حقي فيه وحسيت فعلا ان مالي احد ولاني قادره اقول لاهلي عن هالمشاكل من ناحية مابيهم ياخذو فكره سيئه عن زوجي ابغى اخلي صورته حلوه قدامهم 
ياليت يابنات تعطوني اراءكم بكل صدق فعلا انا تعبت 😔