ماشاء الله
لو مكانك ابدع بالوصفات والانستقرام مايقصر على الاقل يفطر معك 😭
انا زيك ٢ بس قررت اشتري عجينة سولو وبس احشي وبالفرن
الحشوه عادي سويها وفرزني اشتري صحون القصدير الصغيره حقت الحلا وحطي كل نص صدر بعلبه اتوقع تكفي حق يوم واحد والظهر طلعيها وسوي الحلا وبالثلاجه يبرد واشتغلي بالمعجنات والشوربه وبعدين ابدي لفي السمبوسه وبس
انا اشتريت صينيه مقسمه معها غطا يصير بعد الفطور اغطيها واخليها للسحور افضل من النايلون

اول رمضان ليا مع زوجي مثل وضعك وانا كنت ترى ما اطبخ قبل الزواج وزوجي ما يحب البايت ونقدر نقول شوي نفسيه بالاكل وبالرغم من ذلك توكلت على الله ومن عصر اول رمضان بديت بالطبخ طبعا اكون مطلعه المفرومه قبلها وحاطتها بالتلاجه
وجاتني الصدمه 😪
يقولي انا ما اكل سمبوسه كذا جاهزه يحب سمبوسة البف نفس اللي امي تسويها يعني اعجني وافردي ولفي كل يوم 😇😇😇😇😇😇يقول ما ابغى شي غير السبموسه البف وشوربة حب
طبعا ماعرفت وشافني حاولت كثير تعبت نفسيتي والله استغفر الله وسبحان الله بعد سنين قدرت ازبطها
اللي سهل الموضوع المفرومه كنت افرزن كميه واقسمها على عدد الايام كل نص حبة مفرومة تسويلك ١٤سبموسه تقريبا والعجينة نفس الشي اقسمها واسوي كشنه بالطماطم تنفعني بالشوربه او بالكبسات والايدامات واقسمها كلها تقريبا حقت اسبوعين والمفرومه تجنن ولا كأنها مفرزنه لانها تتقلى جوا السمبوسه
نصيحه لا تشيلي هم ترى سهالات والله جهزي كل شي من بدري ولا تقولي انك فرزنتي

عادي حبيبتي مصعبتيها مرة عليكي انا رمضان الي فات كان اول رمضان لي مع زوجي بلعكس مافي إلا انت وهو بنفس اليوم هي طبخة وجمبها طبق سلطة او شوربة وخلاص وعلى حسب وش مشتهين والطبخ مرة سهل على التعويد والاستمرار الطبخ تاخد وقت نص ساعة معاك الله يخليكم لبعض ويسعدكم يارب

في طريقة احس مرة تسهل علي الطبخ وهي اجيب كمية ثوم وافرمها واحط عليها ملح وشوي زيت زيتون واعبيها بمرطبان قزاز احس اسهل من تقشير وفرم كذا اسهل واحطها بالفريزة وماتخرب ابد استعمال شهور

هونيها وتهون
اجل وش اقول رمضان وحامل وبولد 🤡
العام عادي اجلس العصر تجهز وش بسوي ماسوي اشياء كثير لان نفرين وحرام اسوي اشياء وماعندي أحد يأكل
فاسوي رز ولحم او دجاج وشوربة وسلطة
واحيانا اذا نفسي في شي ثاني أسويه والسحور اسوي رز مع لبن نفس الفطور
مرة وناسة ترى اول رمضان مع زوجك لاتضيعي وناستك بالتفكير عشان تكون ذكرى جميلة 🙈
هو صدق كرف بس جهزي قبل سوي اشياء تسهل حشوات عادي تحفظيها في الثلاجة زي حشوة البطاطس
انا ماحب الا الجبن صراحة اسهل واسرع واللف يحتاج من لفت ورق عنب هان عليها السمبوسة😸
ولاتكثري من الأطباق عن تجربة شخصين ترى اسهل اعتبري وجبة غداء او عشاء
وكنت اكثر شيء افطر مع اهلي لأنهم يفطرون متاخر مرة ويمدي بعد ماجهز فطور لزوجي اروح لهم 🙈💕
وبالعافية 💕
اللهم بلغنا رمضان لافاقدين ولامفقودين واشفي مرضانا ومرضى المسلمين 💕