عآشقة.. :

اول مرة صلحت شاي .. زوج أمي اللي علمني عليه و يوم جيت اطبق هو قال بيروح الصالة و بينتظر الشاي و انا رحت الحمام اخذ شاور و نسيت اني موكّلة ب الشاي يوم خرجت من الحمام رحت فتحت المطبخ الا و الدنيا دخان اسود😅💔 بدايات زواجي كنت ساكنة مع اهل زوجي اول كم شهر .. عمري ما طبخت لهم او له من اول ما تزوجته و جا يوم ابو زوجي و ام زوجي قالوا بنروح مراجعة للمستشفى و يمكن نتاخر للظهر و بنجيب معانا غداء (هم قصدهم عشان ما احاتيهم) ، طلع الهياط اللي ب داخلي و دقيت الصدر و قلت لهم لا تجيبون غداء ، هالمرة انا اذوّقكم طبخي😌 (و ليتني ما دقيت الصدر)🥲 صلحت لهم كبسة و احترقت و احترق القدر من جوة و من كثر ما انشغلت به نسيت الدجاج ب الفرن و احترقت و طشرت داخل الفرن و رميت القدر ب الكبسة و مع الدجاجة و صينيّتها في ابعد زبالة عن شارع بيتنا😅💔الله يسسامحني بس.. المشكلة ما عاد عندي وقت اعيد الطبخة+ لازم اقوم اسيطر ع الريحة و انظف المواعين اللي نزلتها كلها بس عشان كبسة + كيف افاتحهم ب موضوع الغداء المحترق و اقول لهم يجيبون + و الادهى و الامرّ كيف اقول لهم اني رميت القدر اللي يعشقونه💔 المشكلة قدرهم ذا قعد معاهم 15 سنة و يحبوووونه و غالي سعره غاااالي اكيد تعرفونه هذاك قدر الضغط التيربو ابو ساعة اللي له يد وحدة طوييييلة و اليد الثانية مسكة صغيرة الله يسعدهم اتصلت عليهم و قلت (عادي تجيبون معاكم غداء؟) 🤭 ضحك ابو زوجي و قال ابشري يا بنتي😅 وصلوا البيت و كان فيه اثار تدل على اني طبخت اصلاً (لكن فين الطبخة!!!) الحمدلله ما سألوني 😅 و اليوم الثاني ام زوجي طبخت الكبسة ب قدر ضغط جديد مختلف شكله + و ما سالتني عن قدرهم عشان ما تحرجني😫 و ليومك ذا عمرهم ما فتحوا معاي الموضوع اللي صار له سبع سنين😂

اول مرة صلحت شاي .. زوج أمي اللي علمني عليه و يوم جيت اطبق هو قال بيروح الصالة و بينتظر الشاي...

N.J.M :

انا ابد ما اخترع من راسي ابحث واطبق والطبخه تضبط معي من اول مره بس مستحيل تضبط معي لو اسويها ثاني مره وشلون لاتسالي كانها توها تستوعب انها طبخه جديده ولازم تتدلع علي وتخرب

انا ابد ما اخترع من راسي ابحث واطبق والطبخه تضبط معي من اول مره بس مستحيل تضبط معي لو اسويها ثاني...