وهالاكله مايمر اسبوع او اسبوعين الا اسويها لزوجي او اهلي او حتى اهل زوجي
صدقوني بنات وعلى شهاده الجميع انه الكوسا مالتي الذ من اي مطعم وحلوه وريحتها يمي يمي من بعيد تشمينها
انتوا جربوها وعطوني رايكم بصراحه
وزوجي (الله يحفظه )مدمن هالكوسا من اقول له ايش تبي للغده اول شئ يطلبه هالكوسااا
هاي صورتها
المقااادير ::
كوسا تكونون خارمينها من داخل عدل بحيث تكون لينه نوعا ما علشان تستوي بسرعه
لحم مفروم (انا استخدم لحم مفروم طازج (كيس واحد )لكيلو نص كوسا
عيش (ارز )انا استخدم جيله للكيلو ونص كوسا
طماطه وحده مفرومه صغار صغار
بصلتين صغار مفرومتين
واهم شئ اللي يعطي ريحه وطعم حلو
بقدونس وتكون الكميه كبيره
ونعناع تكون كثر كوب
بالخلاط (4 معجون طماطم مع 4 حبات ماجي )
الطريقه ::
اول شئ نحط البصل ونحمره شوووي في الدهن وعقب نحط اللحم المفروم ونخليه لين الماي يجف عدل
بعدين نضيف العيش عقب ماغسلناه وبعد نفس الشئ نخلي باقي الماي يجف شوي
بعدين نضيف الطماطم والبقدونس
(البقدونس نحط دفعه دفعه ونخلط وهكذا لين ماالكميه تنتهي لانها كميه كبيره صعب شوي خلطها )
وعقب نحط النعناع
ونخلطهم تمام التمام
واخيرا نضيف
كل البهارات
ملح بزار فلف اسود فلفل احمر شويه ودارسين مطحون كمون اللي تبونه ولازم تضيفون الكركم
وتكون الكوسا جاهزه ونظيفه
نحط الحشو داخل الكوسا
ولازم تكون زياده من الحشو شويه نحطه في قاع الجدر
ونصف فوقه الكوسا بالطول
وبعدهااا
نحط (معجون الطماطم ويا الماجي ومع اضافه الماي )في الجدر ونصب بعد شويه على كل كوسا من فوقها
وطبعا الماي اللي في الخلاط مب كفايه
حطوا ماي لين مايوصل الماي قبل نهايه الكوسا بشوووي
وغطوا الجدر وخلوه يطبخ على نار عاليه
وكلها اقل من نص ساعه ان شاء الله بتكون خالصه
او نص ساعه على حسب الكوسا
وبالعافيه
يمي يمي
والله انها لذيذه واللي محليها النعناع والبقدونس
وهاي صحني
شوفوا المرقه مالتها احبها يمممم حاطتلي مله ونااااسه
يالله جربوها وقولوا لي رايكم
ملاذ الحب =نصفي الثاني