اول طفلة لي ..عمرها 6 شهور..تعالوا وجهوني

صباح الخير عليكم

عندي طفلتى الاولى دخلت الشهر السادس
وعندي بعض الامور حابة توجيهاتكم فيها
ازلا:
حابه اعرف وش اوكلها؟ وكم مرة باليوم؟
يعني كيف انظم وجباتها وشهو الاكل المفيد لها والمناسب لها(بالتفصيل رجاء لاني مو عارفة ولاشي)
مع العلم اني حاليا اعطيها عصير برتقال بس مو دايم
جرز مسلوق مع مويته
الكوسا ماحبتها لانها دون ملح وجربتها مع العسل بس بعد ماحبتها
بسكويت الاطفال مع مويه
حبوب بالفواكة كتبتها الدكتورة من الشهر الماضي تقول تبدأي فيها قبل السسريلاك
وهل الفواكة المعلبة حقت الاطفال مفيدة؟ او مامنها فايدة؟ خاصة ان كنت طالعه او مسافرة؟
تمر - تفاح مبشوربالسكين
ثانيا:
وبعد عندي مشكلة ثانية هي بنتي تسنن وصايره عصبيه مررره مررره تبكي دايم
وماتبي العضاضة الخاصة للاطفال تبي ورق او اي شي قاسي مثلا اصبعي
او كيس فاضي ما ادري الا هي ساحبته وحاطته بفمها
الدكتورة كتبت لي جل للاسنان يريحها شوي بس ترجع تتالم
والاهم من كذا صايره عصبيه مره ماتبيني افارقها ودايم تنشال وماتنام الا بالهز
وتنبسط لما تشيلها شغالة اهلي مع اني ماعندي شغالة وخايفة عليها من هالفرحة اللي تصير لها لما تشيلها الشغالة ولما تمر جنبها وماتشليها تقو م تصيح مره:(


ثالثا:
انا كنت ساكنة بالرياض والان انتقلنا لمنطقة ثانية بحكم عمل زوجي وهالمنطقة مانعرف فيها احد ابد
حسيت انها زادت عصبيتها مررره لما رحنا هناك وحسيت انها تنبسط لما نطلع وتشوف الاطفال والناس بالشوارع
وحنا ماتسمح لنا ظروفنا نطلع دايم وماتشوف قدامها الا امها اوابوها بس واحيانا اضطر اتركها عند التلفزيون عشان تنبسط عند قناة المجد
حاسه انها تبي الناس ومتضايقه من الوحده
وانا الان جاية زيارة لاهلي واول ماجيت خافت منهم بس بعدين ارتاحت ومابي اعودها على الوحده
دلوني تكفوون

انتظركم خواتي

دمتم