هذي اول عزيمه لي وفاجأني زوجي قالي الساعه 11 بالليل وكانت عزيمة فطور لاصحابه ...
بصراحه ماصورت كل شي لأن زوجي كان مستعجل فما صورت السلطه والشوربه ولا المقالي ولا الجريش <==ايش باقي
بس صورت لكم الرز و القرصان و طبق كرات البطاطس
اول شي كبسة لحم
طريقة الكبسه ...
اولا اللحم
تختارين لحم هبر وقطع كبار تناسب للعزايم ...
تسلقين اللحم شوي يعني 10 دقايق
حتى يطلع الوسخ وترمين المويه وتغيرينها بمويه جديده
بعدين تسلقين اللحم مره ثانيه مع بصله مقطعه الى 4
اعواد القرفه... هيل عدل _ مسمار والملح احطه بعدين اذا بديت احس اللحم صار لين
تقريبا انا اغلي اللحم من ساعه ونص الى ساعتين
اذا خلص اللحم من الغلي اطلعه ... واحطه في صينيه بايركس...
اصب عليه تقريبا 3 ملاعق طعام زيت وافركه بالزعفران طبعا يكوووون اصفر يعني منقع له كم يوم
وهيل مطحون وفلفل اسود مطحون وليمون اسود مطحون ... وادخله الفرن تقريبا لمده ربع ساعه ...
انتي شوفي لما تحسينه استوى وصار بنفس اللون الي بالصوره ....
اما بالنسبه لطريقة الرز
رز بسمتي تغسلينه مره كويس وتنقعينه بالمويه مع الملح تقريبا نص ساعه حتى يكون ابيض
بعدين عاد تطبخين الرز على موية سلق اللحم ...
ولما تحسين خلاص الرز بدا يستوي تصبين على نص الرز زعفران ,,, يعني يصير الرز مقسوم نصين اصفر وابيض ... وتحطين جواته الكشنه وتقفلين عليه بالغطا عشان يتبخر بريحة الكشنه وتصير رحته جناااان...
الحين نجي لطرية الكشنه ...
تحمسين الزيت مع بصل مقطع مربعات صغيره وتحطين عليه هيل فلفل اسود وليمون اسود كله مطحون واذا شقر لونه تحطين حمص انا استخدمت المعلب...
وبالهناء والشفاء
ثاني شي القرصان
واخر شي كرات البطاطس
ياليتك مصوره لنا الباقي
عموما لانسين المره الثانيه يالسنعه
من جد سفره تفتح النفس
ننتظر جديدك