اول عقبة تواجهني في التدريس ؟؟؟

هلا اختي انا اقول خليهم يكتبون معك والي ماتكتب خوذي اسمها
اذا وقفتي يوقفون واذا كملتي يكملون:26:

السلام عليكم ..
اتبعي معاهم اسلوب التشجيع يعني اللي دفترها مرتب وكامل ونظيف حطي لها المصلقات الحلوة مثل ممتازة _وفقك الله _ مرتبة ..
بالاضافة الى هدية بسيطة ورحاولي معاهم وإن شاء الله يساعدوكِ ..
والله يعينكِ عليهم وخصوصاً لو كانوا في المراحل الاولية ..

موفقة يارب ..:27:

حبيبتي هذه المشكلة تعاني منها معظم المعلمات وإذا تبين نصيحتي تتبعي ما يلي :
(1) الطالبة اللي ما تسوي لمعلمتها حساب ما بتسوي حساب لأي حد ثاني لا مديرة ولا غيرها يعني حبيبتي بشخصيتك الحلوه الودوده كسبي طالباتك وخليهم يحبونك وفي نفس الوقت يكون لك هيبه عندهم عشان يسمعون كلامك .
(2) سوي مسابقة لأفضل دفتر منظم وكرمي الطالبة أمام زميلاتها وفي الإذاعة المدرسية .
(3) الطالبة اللي حسنت تنظيمها لدفترها ولو شوي وبدأت تهتم فيه على طول شجعيها وكرميها .
(4) في نهاية الدفتر عملي للبنات جدول مقسم لخانات الأولى الدفتر كامل الثانية نظافة الدفتر الثالثة ترتيب الدفتر ...وهكذا وعطي البنت في كل بند ممتاز جيدجداً جيد مقبول وللسهولة استخدمي رمز لكل تقدير
(5) حددي لكل صف يوم لتجميع الدفاتر ورقمي الدفاتر بنفس ترقيم أسماء البنات بالكشف عشان تعرفين اللي ما جابت الدفتر للتصحيح وتحاسبينها .
(6) البنت اللي دفترها مش كامل أخذيها على جنب خارج الصف وكلميها قولي لها أنت شاطره و........ بس ليش دفترك مش كامل وعطيها فرصة ليوم السبت عشان تكمله .
وسلامتــــــــــــــــــــــك أتمنى أن أكون أفدتك . تحياتي لك وتمنياتي لك بالتوفيق في عملك

نسيت أقول لك شيء أنا مع احترامي لرأي أختي nightingale بس ما أحبذ يكتبون معاك لأنهم بينشغلون بالكتابة عن معرفة اللي أنت تشرحينه . أفضل لو بعد ما تخلصين هم ينقلون وأنت تمرين عليهم عشان تشوفين منو ما تكتب.
بس على فكرة من أساليب التدريس الحديثة الطالب ما ينقل اللي كاتبه معلمه على السبورة لكن يحل تمارين على نفس النمط اللي حال بها معلمه وبطريقه ثانيه ما يكون الطالب كاتب وناسخ ينقل من على السبورة لا بل يستغل وقته في حل تمارين مشابهه للي كتبها المعلم على السبورة . تحياتي

اشكركم اخواتي افكاركم حلوة وبدات اطبق بعض منها بس المشكلة انة ودي البنات يكملون دفاترهم قدام عيوني
هم ما راح يكملونها في البيت جربتها بس ما بدي تضيع عليهم الحصة
وين اخذ البنت وعندنا في مدرستنا التدليل مررررررررة للطالبات وكلة على راس المعلمة
,,,
تدرون لما جمعت الدفاتر اكتشفت انة ثلث الطالبات ما اعطاني الدفتر

والله انحولت وانا اقول ها هاذي كل الدفاتر مين ما جابت دفترها وهم ولا عندهم !!!!!!!