اول ليلة عيد مع زوجي :(

هلا حبيباتي ..

عيدكم مبارك اولا..

ثانيا سامحوني اذا زاد قرقي عليكم.. بس ما عندي الا انتوا من بعد الله سبحانه اشتكي لكم..

شوفوا اش صار معي اليوم...

بعد ما جاء خبر العيد... على الساعه 7:30 طلع زوجي على اساس انه بيروح بيت اهله شوي و بيجيب غرض من السوق و بيجي..

انا على طووووووووووول رحت حجرتي و سبحت و تدهنت بأحلى كريم و بالدهن العود و تعطرت و تبخرت و سويت شعري و لبست القميص النوم الاحمر الجديد و حطيت مكياج خفيف بس يهبببببببببببببل و بخرت الشقه و جهزت عشاء خفيف.. و حطيت شموع بغرفة النوم و حطيت هديته بالسرير.. و انتظرت و انتظرت .. و انتظرت

يوم صارت 9:30 دق علي يتعذر بأشياء أخرته .. و انه ما راح يقدر يجي الآن.. و يقول لي الساعه 11_ 11:30 بيمر علي عشان نطلع انا و اخته و بنات اخوه و اخته نتقهوى بره:06::06::06:

تخيلوا :44:

مادري ليه دايم احس ان اهله اغلى مني بالنسبه له.... مع انه أحيانا يقول لي انتي الوحيده اللي انا عايش لها و وشكثر هو يموت فيني... و بلحظه ممكن اشوف العكس ...

الحين هو بكره بيقوم من الفجر.. و بيسهر اليوم الى وقت متأخر عشان اهله.. و اذا صار الشي عشاني طلع التعب و التعذر ... سبحان الله..:(

ارجع اقول بنفسي انا احسن منه ... و هو لمن نرجع البيت و يشوف الهديه اللي جبتها له .. و راح اقول له كل اللي بخاطري و انا وشلون استعديت اليوم .. هل تتوقعون بيتحسف و يحس على دمه شوي !!! خاصه انه ما فكر يجيب لي هديه !!!!!!!!!!!!!!!!!!!! و انا متأكده من هالشي مليوووووووووووووووون بالميه...

شكرا لحبيباتي اللي ردوا علي بموضوع الهديه اللي كنت ابي اغلفها له" al_roro , مرام, قرطاسه,زهرة الياسمين, عيون أحمد,المتغليه,فتوونه الحلوه,نمره,بنت الحي القديم,صمت الجنوب,ام كنده,ام سارونا الحلوه".. للأسف تخطيط شهر كامل راح على الفاضي .. بدل ما يكون اول ليله للعيد لنا مع بعض.. نكون فيها لحالنا يجيب فيها الاسره الكريمه ...

"على فكره تراي احبهم و احترمهم.. و اغليهم كثييييييييييير و يعلم الله اعتبرهم اكثر من اهلي.. انا مو ضايق صدري لأني ما ابيهم.. لأ... لأن ودي ذي الليله لنا لحالنــــــــــــــــــــا بس شيقول الواحد" الشكوى لله