اول مرة اروح للرياض ودي بمول فيه ماركات وجنبه فنادق الله يسعدهااا الي تدلني

أغلب المولات عندهم فنادق وشقق

فيه غرناطة وخريص بلازا بشرق الرياض

أقرب شي للأحياء الي ذكرتيها

اهلين اختي حياك الله ..
عندك الطريق الدائي الشمالي فيه شقق فندقيه مثل شقق بودل والنايفاث وكثيير بس هذا للي يحضرني وقريبه منه بعض الاسواق
مثل لي مول و الرياض غاليري وغرناطه ..وكمان غرناطه جنبها شقق تقدرين تمشين لللسوق يعني قريبه ...

على حسب ميزانيتك انتي تبغين فنادق او شقق؟؟؟؟؟
برج المملكه والفيصليه على طريق الملك فهدفيها السوق والفندق بس الاسعار فوق الالف لليله
وعندك سوق غرناطه شرق الرياض وقريب من المطار خلفه فندق
غير كذا عندك طريق العليا مليان شقق
وشارع الضباب
وتمنياتي لك برحله سعيده

الله يسعدكم يارب

كفو والله لا خلا ولا عدم

طيب غرناطه فخم احصل فيه الماركات العاديه

مانجو وزارا وماركات الاطفال

والحمدالله إنها قريبه من حي النسيم

ولا تكفين وش الف بلليله

لا طبعا ميزانيتي على قد الحال

بس الان وقت تخفيضات للماركات

وزوجي عنده شغله بنسيم الشرقي من كلامكم غرناطه افضل شي