اول مرة اكتب موضوع هنا تكفوون لحد يفشلني..

وقاناالله واياكى من النار اللهم امين
حبيبتى ابرة الكروشيه تتناسب مع حجم الخيط

اعملى بالخيط شنطه او كفر مصحف

بالنسبة للخيوط :-


.هناك أرقام كبيرة وأرقام صغيرة وتبدا الأرقام الصغيرة من 1-4وتمتاز بأنها ثقيلة الوزن وسميكة الملمس وتستخدم هذه النوعية من الخيوط في عمل الأشياء الثقيلة مثل البطانيات والحرامات وأغطية السرير ( طبعا هذا بالنسبة للمصانع الأوروبية ) أما المصانع العربية فتجدي عندها نفس الخيوط بأرقام مختلفة
عن المصانع الأوروبية وهي 10,20,30 أما الأروقام الكبيرة 4,5,,6 فهي خيوط رفيعة تستخدم في عمل الكلف
والدانتيل والمفارش ويقابلها بالمصانع العربية 40و50,60 .وتوجد ايضا من الخيوط ما يسمي بالرنبو او قوس قزح وهي نوعية من الخيوط التي تحتوي علي اكثر من لون في نفس البكرة او اللفة وهي غالبا تستعمل لعمل الحقائب مثل حافظة الموبايل الحقائب الكبيرة و النوعية السميكة منه تستعمل لعمل البطانيات وهذه النوعية تسهل العمل وتوفر الوقت والجهد اذا اردنا ان نصنع قطعة مركبة من اكثر من لون.
ايضا توجد نوعية خاااااااصة جدا من الخيوط وهي خيوط الحرير وتستخدم عادة لعمل النهايات لمفارش طاولات الزفاف او لعمل كلف فساتين السهرة او لعمل بعض الاكسسورات لاضافتها علي الملابس لتبدو اكثر اناقة .

احجام صنارة الكروشية يختلف حجم الغرزة فكلما استخدمتي ابرة اكبر كان حجم الشغل اكبر

شوفي الفرق في حجم الوردات كلما استخدمنا ابرة اكبر




حجم الخيط : ايضا يعطي غرزة اكبر كلما استخدمنا خيط اتخن لشغل الكروشية



واتمنى اكون افدتك
وبالنسبه لابر جده انا اعرف ان فى محلات فى الهنداويه وباب شريف
كنت اشترى منها لما كنت هناك

والله على حسب معرفتي بالسنارات اللى موجوده عندنا الحديد
تبداء من (0)الى فوق اتوقع(12)كل ما كان الرقم كبير صار حجم السنارة صغير
وزي ماقالت اختي شهد كل ابرة ولها صوف معين يعني ما
تجيبين ابرة مقاسها 11 على صوف متين والعكس صوف نحيف على ابرة كبيرة
وعن احجام الابره للمبتدئين فحلو وانصح بعد استخدام سناره مقاسها 6 او4 او 3 مرة ممتازه للمبتدى وبتمشي معك
بشكل سريع وفيه بعد سنارات المنيوم خفيفه على اليد وانصحك اذا كنتي في بدايه المشوار في التعلم تخلين لك فترة تتفرجين على الاعمال وطريق عملها
وتدخلين دورات فيه في الموقع هنا دورات تعلم صدقيني انا في البدايه مااعرف شي الا اشياء بسيطه جلست فترة مايقارب الشهر اتفرج على الاعمال وانواع الخيوط والسنارات لين خلاص بديت اقتنع انه
اللحين ابداء والحمدلله اشياء كثير سويتها وانا راضيه عنها وكلها من اختراعاتي يعني مااطبق ورشات الا قليل
اتمنى اني افدتك وشكراااا

هلا و غلا ..

بالنسبه حق سؤالج الاول .. فصراحه للاسف ما اقدر افيدج كوني مو من اهل جده :(
و بالنسبه للسؤال الثاني .. فالابره ما لها شغل بعمر الطفل لانها راح تتعامل مع الخيط .. فالابره الصغيره تحتاج خيط ضعيييف و الاابره الكبيره تحتاج خيط متين صوف مثلا ..
و غالبا الاحجام اللي نتعامل معاها 3 و 3.5 و4 و خيط صوف العادي

و في رابط ثاني بين الخيط و الابره و هو انه كل ما زاد حجم الابره و قل سمك الخيط راح يعطيك نسيج غير متماسك و العكس صحيح
و بالنسبه لابرتك اللي مقاسها 1 فهي تنفع لعمل المفارش و القحافي يعني تحتاجين لها الخيط الضعيف مرررره بس اذا كنتي مبتدئه و تبين تتعلمين .. ما انصح بالخيط الضعيف و الابره الصغيره لانه راح تطلع عينج و تعور راسج و بالنهايه بتكرهين الكروشيه بكبره


ان شاء الله اكون افدتك عزيزتي و سامحيني على القصور و بالتوفيق :)
بانتظار ابداعاتكك

اختي

السؤال الثاني الاخوات اعطوك اجابات وافيه فيها

السؤال الاول
اختي الاقرب لك الهنداوية خلف برج آبار وزيني

راح تلقي ابر الكروشيه وادوات الخياطة والاصواف بكل القياسات

السلام عليكم

مثل ماقالت هدهوده

عمر الشخص ماله علاقه بمقاس الابره

اذا الخيط متين وغليظ شويه هذا يعني يبيله ابره كبيره

واذا الخيط رفيع ...يبيله ابره مقاس صغير

شوفي مرات الاقي بالاسواق جاكت صوف بسعر زهيد ...وشكله مو حلو

اشتريه وافتحه...<!!!
يعني افتح الخيط واخليه بكره ..واستخدمه لشي لي او اتعلم فيه ...يعني

اتمنى تكونين استفدتي من مشاركتي

تحياتي