اول مرة بنزل موضوع بالمنتدى ساعدوني نفسيتي تعبانة

السلام عليكم
انا عمري ٣٣ سنة وعندي اولاد زوجي ابدا ما بيساير ولا بيحكي كلام حلو ولا بيقلي بحبك او حبيبتي من قبل ١٠ سنين و راضية بقول االانسان بالافعال مو بالاقوال
و حتى بالافعال هو. مابيقدملي شي يسعدني او بيحسسني انو بيهمه سعادتي
صرلي ١٠ سنين معه بالمشاكل والله يابنات قلبي تعب و نفسي ابكي
كتير كان يضرب و مرات يشوهلي جسمي من قوة ضرب و كتير كانت تحتد مشاكلنا ووهوو انساان عندو الأنا و العظمة و ازا بحكيلو عن حدا من اهله بيقيم الدنية
جاب اهله غصبن عني ٥ سنين ببيتي لحد ما حسيت البيت ماعد بيني ومتفيدة فيهم و حماتي كانت من النوع الفتان يلي بتشكي لزوجي عني اني ما بفيق من النوم لوقت متاخر و غيرها من الامور كمان
وهو من النوع يلي بيحكي على زوجته امامم اهله و عامل نفسه هو الكل في الكل لانه بيصرف على اهله و انا ماكنت اعرف ولا خبر اهلي بهالشي لما خطبني وقلت مافي مشكلة
المشكلة انو حتى اهله مستوطين حيطي و مقليين قيمتي و دايما امه بتواجهني باي شي ما بيعجبها و ما بتخجل
تقاتلنا انا وياه وصلت معنا للمحاكم كتير ووتركتو فترة طويلة و رجعنا لعض بقدرة ربنا
المهم لما رجعنا رجع سكني ببيت لحالي بحكم انه اخوه ح يسكن مكانا و حيشارك بالمصروف ويصرف معو على امه واخته موظفه عازبة كانت ما تصرف قرش ف لما اجا اخوه المتزوج حصلت مشاكل كتير بين اخوه و زوجته و اخت زوجي و حتى مع حماتي و قام سلفي ومرته تركو البيت وبدونما يهتمو لكلام الناس ترك امه واخته واخوه شاب ابضا تلات اسخاص ببيت لوحدهم و خرجو من نفس البيت يلي كنت عايشة فيه و كان كابوس حياتي لان سلفي بحب زوجته و بيحسب لكلام زوجته حساب و حاولت حماتي و بنتها لما كانو ساكنين مع سلفي و زوجته انه يتدخلو بينهم ويعملو متلما كانو يعملو فيني و كان زوجي هديك الايام يضربني ادامن و يدميني ويعزبني
لما اجا سلفي وزوجته صرت اشوف معاملة مختلفةة و حترام وحب بينهم حتى صارت زوحته تحسسني انو انا حقيرة وانه هي يس يلي بتستاهل الاحترام والسبب للاسف زوحي للحقير الكلب يلي كان ما يحسب لكرامتي ادامهم
انا كتير موجوعة مع انو بيت سلفي صرلن طالعين لبيت لوحدن اكتر من سنتين بس بتصدقو انو حماتي بتحب زوجته اكتر مني مع اني انا يلي تحملتا و تحملت ظلما و هي ماشافت ربع الظلم يلي شفته لان زوجها ما هان عليه يتدخلو ويهزؤوها
و الان كلما جت عند حماتي ( بيت حماتي بلزق بيتي بزبط نحنا متل جيران بنفس طابق ) ،بتصير تسمعني انه زوجا بيحبها و و و وانا ماعم اقدر احب زوجي بكرهو كتير مع انه ماعملي شي بالوقت الحالي بس بكرهو وبتمنالوو الموت لانو سبب بدمار كل شي بحياتي
بتصدقو يا بنات والله بكون مو عاملي شي بس يجي عالبيت بعملو مشاكل لاننو قلبي معبى منو انا عايشة معو بس مشان الولاد ولاني بخاف من المجهول ومابعرف شو مستنيني لما اتركه خصوضا اني بغربة و ما الي حدا هون بالامارات و الحمدلله لا اب ولا اخ
نفسيتي كتير تعبانة و محروق قلبي على حالي و حاليا انا مجبورة كلما اجو بيت سلفي لحماتي اني اروح لعندن وابقى معن ليروحو وانا مالي طايقتن كلن على بعضن و بحس حماتي بتميزها عني و حارقلي قلبي هالشي لاني انا اللي ستحملتن بالغصب والضرب هي ما تحملت منها شي لحتى تحبها و تتلهب على شوفتا و تخدمها و تخدم اولادها كلما اجو عندها
ياريت لو تعرفو شي دوا ينسيني او يهديني او يموتني ماعد بدي لا جنة ولا نار ماعد تفرق معي شي انا عايشة بين اكتر من نار و ولادي سبب شقائي بالدنية لاني مابقدر اتركن