كل مرة احشي الحمام بالفريك
بس هالمرة قلت ببدع :)
وكلكم معزومين :39:
المقادير:
10حبات حمام منظفة وجاهزة ووممسوحة بخلطة ( الليمون والملح والفلفل الاسود والثوم البودرة)
2كوب شوفان
2 بصل مفروم
2 حبة ليمون اسود بعد ما اشل البذر منه اطحنهم
15 حبة طماط
ملح + فلفل اسود قرن واحد فلفل اخضر حار + 3حبات فصوص ثوم+ علبة ماجي
الطريقة:
احط الطماط في الخلاط مع الفلفل والثوم والملح والفلفل الاسود والماجي واخلطه مع بعض
احط الشوفان في الملة واضيف عليه البصل المفروم والليمون الاسود
وبعض من خليط الطماط واحركه
وبعدين احشي فيه الحمام
اصف الحمام بالصينة
وما يتبقى من الشوفان و خلطة الطماط اصبه فوق الحمام
وادخله الفرن ال ان ينضج
هنا بعد ما حطيتهم بالصينية صبينا عليهم خلطة الشوفان والطماط وسكرته بالقصدير وحطيته بالفرن
بس للاسف ما طلعت الصور :(
هنا بعد ما اصبح جاهز للاكل :27: :27:
وطلعت الخلطة شوربة الشوفان بالطماط لذيذة والله :)
ملاحظة: سمعتوا عن كفتة البطاطا وكفتة التونة
انا اليوم صار عندي كفتة الشوفان :)
لان انطبخت بعصير الطماط و الطبخة مافيها ماي
فتكورت في الاطراف وكونت من نفسها كفتة بمحض الصدفة
لكن والحق يقال لذيذة
يعني لو جيت اعملها بنفسي وقاصدة اكيد ما راح اضبطها مثل ماهي ضبطت نفسها:)
فيه الف عافية وحياكم تفضلوا البيت بيتكم :39: