اول مره،،

بنات انادايما اتابعكم من خلف الشاش واعيش معاكم في ظروفكم واحوالكم لكن لأول مره أفكر احكي عن موضوع صاير معايا يابنات انا يأتيهم وحاليا حال نفسي مو اجتماعيه كتير وقليلة كلام وهاديه مررره وحساسه اي شي يأثر فيني ويبكيني احس الدنيا كسرتني كثير وبالذات بعد وفاة أبويا وبعده بأقل من سنه لحقواه اثنين من اخواني يعني مريت بفترة ضعف واتاثرت كثير إحس اني كبرت أكثر من عمري كثير صار عندي زهد في الحياة استغرب الناس اللي تجري ورى الدنيا وتنافق بين الناس وتظلم الناس وتفرق بينهم ،،بما اني غير اجتماعيه كنت مكتفيه بكم صديقه من ايام الدراسه وكم وحده من قريباتي وطبعا كلهم يحبوني ويفهموني لما اتزوجت اتفاجات بمجتمع السلفات والغيره والتفرقه حتى بين الاطفال والله اني اول ما اتزوجت دخلت بطيبي وحسن نيتي والله اني لو يتقالي كلمه إبلهم واتنح مااعرف أرد ولا أخد حقي ياما لقيت صدمات ورمي ولطش بالكلام بدون سبب وبدون ما اكون عملت حاجه كانت ام زوجي ع طول بتحكيلي عن الناس اللي تتمنى ولدها اللى هواه زوجي وانو كم وحده قالت لها تعالي خدي بنتي واللي خقت عليه يوم الزفه وقالت لها فين مخبيتو عننا ياليتك أخذتي وحده من بناتي كنت ارجع بيتي مضايقه ابكي اقول هيه ليش تقولي كدا انا ايش عملتها والله عاملتها زي امي وما أنادي ها الا ماما واجيها وانا جايبه شي حتى لو ماعندي فلوس اسوى حلا من البيت واجيبو ما ادخل ويدي فاضية ليش تعاملني كدا والله لو ايش اسوى ماتشوفو شي تعبتني والله حتى مره كنت عندهم بعد مارجعنا من فرح الا تقول لبناتها شوفتو فلأنه فينها يوم كنت أدور لولدي عروسه قصدها زوجي،،انا أصتصبت وربي جمد الدم. في عروقي معقوله في ناس كدا ماشافتني ولا عملت لي خاطر الدنيا لفت فينيماخافت ربنا فيني يتيمة تقهرني ما خافت ع بناتهاترضى عليهم كدا لكن حسبي الله فوضت امري لك يارب انت مطلع،،والله يابنات احيانا اقول يمكن ماتبغاني طيب من حقها ام يمكن تشوف ولدها. ماحد يتساهلو طيب حتى انا أهلي يبغولي الأفضل انا كمان بنت ناس والله يابنات انو ماصدقت لما رديتلها بالموافقة سجدت شكر حدين لما اخذت ولدها تسوي فيني كدا. غير المدح اللي في سلفاتي انهم ماي قصروا وأنهم يجوب خيرهم وأنهم يجيبولها هيا وبناتها ويسولها طيب انا ايش اسويلها كل واحد واللي يقدر عليه انا زوجي ع قده يادوب ممشين أمورنا ماشاءالله الله اخوانه مو زينا ربي يزيدهم وفوق كدا انا ما أقصر معاهم ومو شايفينو شي والله انو أخواتها يقول لها نفسنا ربي يرزقنا لأولادنا زي زوجه ولدك فوليها تشوف لنا من قرايبها ،،هدا غير وغير وغير تعبت وماني فاهمه هيه تسوي كدا ليه مره كنت جالسه عندها قامت تتصل ع سلفاتي وحده وتقولهم بكره بروح المحل الفلاني تعالو. معانا ولا الحقوني وانا جالسه قدامها ما قالتلي شي والله. العظيم اني صادقه وعزت وجلال الله عمري مااذيتهم ،،فهموني ليش ده كلو،،