اول مره اجيب شغاله كيف اتعامل؟؟؟؟؟

شوفي حبيبتي لا تشدين ولا ترخين اول شي اللبس جيبي لها لبس فضفاض وغطاء لشعرها
ثانيا التعامل لا ترفعين صوتك عليها اطلبيها تسوي الشي بصرامه بس مو بتجريح وعوديها على الشغل الدقيق لانها بتسوي الشي اول مره اي كلام كأنها تجس نبضك اذا بتعديها لها ولا لا انتي علميها وش تسوي باحترام ونفس الوقت بصرامه
نجي للنوم نوميها بوقت الي يناسبك يعني 11 12 ماتنام الا والبيت نظيف ولا تخلينا تكلم زوجك فهميها اذا تبغى شي تطلب منك واذا انتي وزوجك جالسين لا تمر تلزم غرفتها واكرميها من فتره لفتره ولا تعطينها وجه بزياده واذا استلمت الراتب جيبي لك دفتر وتكتبي فيه الاشهر والتاريخ والمبلغ المستلم وخليها تبصم شهر بشهر وان شاء الله نكوني فهمتي علي

قريبتي متزوجه لكن صغيره على سالفت الشغالات لكن جابت شغاله يوم حملت بطفلها الثاني عشان تساعدها

ماشاء الله على انها بنت صغيره الا انها ممشيه شغالتها صححححححححح فيلبينيه ومو مسلمه بس والله انها شيء
وامها جابت زي بنتها شغاله فيلبينيه لكن مسلمه لكن غلطططططط كل شيء بشغالة امها غللللط امها شافت شغالت بنتها ممتازه راحت تستقدم زي بنتها فلبينيه وقالت لا ابصير احسن من بنتي ابي اجيب مسلمه والله جابت لبيتها مصيبه كبيييييره وام قريبتي ماينفع لها شغاله تمشي على حل شعرها

قريبتي شغالتها مو مسلمه بس تلبسها ثوب طويل الاكمام تعطي الاكواع يعني حيرانه
الملابس الدخليه ممنوع الكلوت عندها تشتري لها فخاذيات وسيعه شوي

وعطاء الراس دايم في البيت تغطي شعرها ماتفكه الا اذا كانت بغرفتها لوحدها

واول ماجت قريبتي اخذت شنطها ولا فكت شنطه منهن وعطتها شنط فيها كل شيء من ملابس واغطيت راس وغيارات وادويه وشامبوهات وكريمات ومقصات وادوات خياطه كل شيء وقالت لها اذا فيه شيء ناقص اكتبيه لي اشتريه لك

ولا تاخذ حاجه من شنطتها اللي جابتها معها عشان اذا سافرت تعطيها شنطها اللي جابتهم معها من اول بدون مايفكون ولا يلمسون

لو قالت لها ابي حبوب ماحبوب قالت لها اكتبيه وانا اشتريه لك الشنطه ماراح نفتحها واذا قالت لها لا هذا دواء مااجيبه الا من الفيلبين تقولها حنا في السعوديه والادويه اللي هنا احسن من ادويتكم وتقولها خلاص اذا تبغين هالدواء راح اوديك للطبيب يكشف عليك ويعطي دواء لحالتك تقول خلاص لالالا وتنسى السالفه

لان بعض الادويه اللي يجيبونها معهم تكون حبوب منع حمل او حبوب يحطونها لصاحبة البيت يذونها على شكل سحر يعملونه لها
وحتى لو كانت نيتهم مو كذا الاحسن الاحتياااااط مع الكل ومو كل من هب ودب احسنا فيه النيه

وتلبسها اذا بغت تطلع للسوق او طلعت من البيت نقاب وغبات زي عبايتها هي نفسها يعني ماتلبسها كتف تقول تلبس مثل ماانا البس قريبتي تلبس عبات راس وتلبس شغالتها زيها

وبالبيت تساعد الشغاله في بعض الاشغال يعني اذا سوت تنظيف للبيت في الاسبوع هي وشغاله ينظفون مو لحالها الشغاله
الشغاله ماتطبخ بس تغسل وتنظف وتحط عينها على البيبي الصغير اذا كانت الام تطبخ اما اذا كانت الام فاضيه فالبيبي مع الام وشغاله تشغل نفسها باي شيء

اذا راحت لاهلها او جلسات عائليه وفيه حلى وكيك ونقنقه قبل مايبدون يحطون للشغاله من كل صنف وتسألها تبغين قهوه ولا شاهي
واذا بغت منها حاجه ماتقولها بصوت عالي ولا بنبرت النهر وزجر سوي كذا افعلي كذا لا تناديها واذا جت قالت لها فلانه ياحبي لك ممكن تشيلين البيبي شوي ولا تقولها تكفين ابي تسوي ثلاجة قهوه ثانيه ترد عليها شغالتها سمي مدام
واذا جابت الغرض ترد عليها صاحبتها شكرا فلانه وكلامها معها كانها تتكلم مع اختها ولا صديقتها
وشغالتها مو مسلمه بس مع هذي المعامله الشغاله تفكر تسلم

واذا كان فيه زوجها تقولها اذا جاء مستر لا تكونين في المكان اللي فيه مستر روحي لغرفتك الين مستر يروح

يمكن شغالتها هي من نفسها محترمه وجت لوحده تعاملها زين
ولا تحب شغالتها تنكرف من اي احد واذا عرفت ان اهل زوجها كرفوا شغالتها تنقهر ولا تنزلها الا بعد فتره تقول يخلون الشغاله تتعب وتنقهر من الشغل ويبون يطيرونها بسبب معاملتهم لها

واذا بغتها تقطع شيء تلبسها قفازات بلاستيكيه عندها القفازات زي المنديل لازم مايخلصون من البيت

--------------

اما شغالت امها والله تشيب الراس يوم جت للبيت وشافت انه الرجال مو لمها زعلت وقالت ماابيكم
واخرتها تطلع برا البيت ولا دروا عنها الا يوم جابتها الشرطه ولقوا معها جوال كل يوم يجي واحد سعودي وياخذها من بيتهم معطيها جوال اذا شافت الكل نايم اتصلت عليه

وشايفه نفسها عليهم واذا نادوها يقالنها ماتسمع واذا قاموا لها قالوا خير ماتسمعين تقول اش فيه

وعجزت عن الشباب اللي في البيت تسحبهم راحت للشايب تغريه ههههههههههههههههههه وهو بعد هزئها
وطفشت كل شوي جايه لصاحبتها تقولها مدام مابي بيتكم

ويوم جلست شهر راحت لصاحبتها وقالت لها ابي غرض من شنطتي اللي عندك قالت لها وشو الغرض قالت بوك الغبيه صاحبت هالشغاله المفروض اذا اخذت اغراضها ماترجع لهم بس هي غبيه تبي تسوي زي بنتها ماعرفت
راحت بشغاله للمكان اللي فيه شناطها والمكان هذا غرفت راعية البيت هي حطت شناط الشغاله بغرفتها ولا تخليها تدخل غرفتها الا اذا هي فيه ... وفتحت شنطتها وقالت لها خذوي اللي تبين تقول اخذت ابوك وطلعت منه كيسه فيه بودره بيضاء وعطت صاحبة البيت البوك قالت خلاص ابي هالغرض بس قالت وشو هذا قالت دواء قالت لها طيب ماراح تاخذينه قالت انا ماابي غير هذا قالت وهذا ماراح تاخذينه وزعلت الشغاله وقالت اجل ماابي شيء

وطلعت من الغرفه راعية البيت اخذت البودرة وعطتها ولدها قالت له ابيك توديه تحلله اذا صار مخدرات تجيب الشرطه يسحبونها من اذانها

واذا صار سحر برضوا جب الهيئه تسحبها

تقول الغبي راح وكب البودره في الشارع تقول ماراح يشوف ايش هو


ووحده تحذر تقول اذا جت شغاله للبيت اول ماتطب البيت لاتخلونها تدخل للحمام فتشوها وغيروا لها بعدين خلوها تدخل للحمام لانهن يجيبن معهن بودره وهالبودره سحر يكب ويرمى في الحمام عشان تحضر للسحر وتستحضر الجن اللي في الحمام عشان يساعدوها على اهل البيت

قريبتي لقته في شنطتها يوم قالت الشغاله ابيه يوم الشغاله طفشت منهم وشافت الكل صاد عنها من شباب البيت تبي تسحرهم

وكل مانقهرت من راعية البيت قالت لها راح اسحر ولدك الصغير تشوفين اذا ماسحرته لك اوريك فيه

وذيك تصدقها وش تسحره فيه ماعندها شيء
كل اغراضها مقفل عليهم
بس ولو ماتعطى امان

وبنت الحرمه هذي ماتجيب شغالتها الفلبينيه االلي مو مسلمه لبيت اهلها عشان ماتخربها شغالت امها

ادري كلامي كثيررررررررررررر :35:
بس ابي ابين لك مثالين اثنين لنوعية الشغالات وكل وحده والمعامله

الله يعيييييييييييييييييييينك اولاً على شغالتك

والله يعيييييييييييييييييييييينك ثانياً على قرايت كلامي والله اتعب :22:

انا ملاحظه نفس الشى

اهم شيء خافي الله فيها ولاتقولين لها كلمه تجرح
احسني لها وتذكري انها بشر تحس ولولا الحاجه ماجت من ديرتها

اول ماتجي خليها ترتاح والصباح وريها البيت وخليها تكتب بورقه وش تسوي وش الشغل اللي ينعمل يوميآ واللي اسبوعي

واعطيها تعليمات وش تحبين وش تكرهين وعلميها اهم شيء ما تمد يدها على عيالك ولا تهاوشهم اذا سووا شيء تجي تعلمك انتي وتصرفي معهم
واهم شيء ماتطلب جوال قولي لها اذا تبين تكلمين هذا جوالي واشتري انتي جوال بطاقه وتكلم اهلها متى مابغت لكن انتبهي تعطينها جوال حتى لو طلبت