الأخت الي تقول اجلسي نصف ساعة وخلاص روحي لالا تطلعي
اجلسي الين يخلص حفلهم واستانسي يا أختي هالحين عانية من مكان بعيد
وترجعين على طول ما يمديك تشوفين شي وتوسعين صدرك
اجلسي وتعشي معهم إن لقيتي طاولة فاضية اجلسي عليها
ولا اجلسي مع حريم كبيرات في السن وسولفي معهن
تراهن يوسعن الصدر بسوالفهن الممتعة وقولي لهن أنا جاية لحالي
وإذا خلص الأستقبال بيجلس معك من الي عزموك

جزاك الله خير بس تتوقعين المريخ يجلسون على كراسي او صخور :hahaha:

حبيت اوضح لك حاجه :27:

اولا انا من منطقه ثانيه نظامنا كرااسي بجنب بعض يعني عادي اجلس باي مكان

ثانيا لي عزمونا ماعرف نظامهم لانه الزواج لصديق زوجي ولو مو ملزم والله ماحضرت

عموماااا الف شكر يابنات ماقصرتوااا والله يجزاكم الف خير ويوسع لكم يارب :26:

نظامنا في الزواجات النجديه ان الممر اللي يوصل للكوشه اللي هو نفسه اللي تمشي عليه العروس بالزفه يكون مصفوف عليه من اوله لاخره كراسي فخمه لوحدها جنب بعض بدون طاولات كبيره ،،يعني نفس نظام المدرج بس صف واحد ، هذا غالبا يجلسون عليه الحريم الكبار ويعتبر مكان استراتيجي تشوفين الزفه وتشوفين الرقص وكل شي منه ،، اذا حصلتيلك مكان فيه اجلسي لان كذا ماتكونين فرضتي نفسك على احد لانه مايكون طاوله وكراسي لا كل كرسي لوحده ،، واذا مافيه اسألي اي وحده من اللي عازمينك تجلسك لانهم اعرف بمعازيمهم ،،وغالبا زواجاتنا نظامها طاولات كبيره متفرقه ومصفوف عليها عده كراسي ،وعالطاولات شاي وقهوه وتوابعها ويدورون عليكم الصبابات بالمأكولات ،،
اول ماتدخلين القاعه رح ياخذون عبايتك بس خلي طرحتك معاك اذا انتي تتحجبين لان ممكن يكون فيه زفه ويدخل العريس واهل العروس الرجال وفيه تصوير طبعا حتى لو مادخل العريس،، ووغالبات الجوالات الكاميرا ممنوعه فراح يمررون عليك جهاز خاص ،،
بعد العشا المفترض خلاص كل الناس تروح بيتها ،، اعتقد انو الوقت المناسب لحضور الحفله هو الساعه تسعه ونص او عشره ،،،لان زواجاتنا تمتد لوقت متأخر وغالبا الزفه ماتبدا الا فوق ١٢

موفقه يارب

عفوا الاخت جايه من المريخ