لمارا

لمارا @lmara_1

عضوة فعالة

اول مره اسافرمع زوجي ....ابي مشورتكم

الأسرة والمجتمع

السلام عليكم
السالفه ومافيها ان زوجي وعدني بسفره لجده ومكه (والمدينه)هاذي اموت بس اروح لها
طبعا هاذي اول سفره لنا وابي اسوي شي لزوجي يخليه يعيد السفره دايما يعني ابي اونسه ابي السفر وتغيير الجو يكون عنده ضروره سنويه
طبعا سافرنا قبل بس مع امه وخواته وهالمره بلحالنا
تكفن ابي فزعتكن ابي اعيد له ايام زواجنا الاولى بس ماني عارفه فكرت بالالعاب الزوجيه ولا طلع معي غيرها
السفر بعد خمسة ايام
ادعوا انها تتم وبلحالنا لان اخته الكبيره رافضه انه ياخذ اجازه ولما قال رفت ووافقوا ارسلت ثنتين من خواته خريجات كليه لمه تقول لهن وضايف ولاسمعت انهن قدمن عشان يتوضفن بس تبيه يعدل عن السفر او انه ياخذهن معانا كذا عناد
مع انه قالهم بالعطله النصفيه وعرض عليه العمره ولارالي حايل ولاراحوا والحين يبون يروحون مع انه لما عرض علهم العمره كان افض انه يودني معاهم ولاقلت شي قلت براحتك انت ونس امك وخواتك وانا وبناتي نقعد عند اهلي
24
2K

يلزم عليك تسجيل الدخول أولًا لكتابة تعليق.

تسجيل دخول

&ام ريوني&
&ام ريوني&
اعتبري نفسك عروس في كل شي وكأنها اول ليله من لبس وماكياج ورومانسيه واحلى شي تاخذي معاك شموع وفاجئيه بهديه ودلليه عالاخر
لـيـونـــي
لـيـونـــي
تكلمي مع زوجك انك ترغبين بوقت خاص معه خارج منطقتكم

أعتقد الرجال وكل الرجال قادر ان يضع الناس عند حدودها

ومن أبسط حقوق المرأه مشاركتها بمفردها مع زوجها في سفره
مـــوهـــومـــه*
اول شي الله يطول بعمرك وتروحين بدل المره الف مره وانتي بصحة وعافيه وصلاح
وثاني شي الله يصد عيون اي احد عشان ما يروحون معكم ويشغلهم بانفسهم وبا الخير لين ترجعون با السلامه
وثالث شي يا الله هاتي ورقه وقلم وسجلي اللي يعجبك
روحي يا حلوه على نكتار خوذي منه جل العروسه والروج السحري هذا حلو وبعد مري على ليسانزا خوذي نوع من النكهات اللي تحبيه انتي وهو فراوله تشوكليت توفي انتي وذوقك ودام عندهم خصومات خوذي لك بعد قميص على ببي دول على بجامه على روب رومانسي شيك على طقمين على الاقل اندر وير
مري بعد الله لا يهينك على او لا لا انا ما ادري من وين انتي وخوذي لك لبس غريب اشبه با التنكري او حتى نتكري اذا تحبين ليش لا شي غريب مميز ولون بعد مميز ما قد لبستيه او ما تلبسينه بكثره
العاب الزوجيه فكرتها حلوه خوذي منها الشوكلاته وكل يوم العبو شوي والا اذابة القلوب تراها بعد حلوه ومو لازم تخلصونها بليله وحده كل يوم شوي
اذا فيه مجال تصبغين او على الاقل تقصين ولو حركة من اطرافه او خصل بعد
خوذي معاك عطر ليلة زواجك بعد لا تنسين
اشتري له هديه من زمان نفسه فيها وفي اليوم الاخير ليلة ما بترجعون لديرتكم عطيها اياه وانتي كاتبه فيها عبارات امتنان ودلع وشكر له
وانتي با الحرم ناديه لمك واوقفي وناظري الكعبه وقولي من قلب انا بدعي وانت امن وادعي وقولي ياله تخليه لي يا الله تسخرني له وتسخره لي يارب تحمينا من عيون الناس وشرهم يا كريم تحفظنا من شياطين الانس والجن يا رحيم تطول بعمره ويجيبني لبيتك مره ومرتين والف
خوذي معاك دفتر يوميات ويون شيك وقلم حلو بعد وكل يوم قبل تنومون اوبعد ما تفطرون تكتبون كل واحد شي رايكم با اليوم وش اعجبك فيه والعكس مع كلام حلو طبعا
فاجئيه بحركات دلع وحركات من اياهم وبمكان وزمان غير متوقع اطلعي عن قوقعة غرفة النوم
الشموع والفواحه لابد منها بعد
واطلبي من الفندق اللي بتروحون له يوصلك ثاني يوم مساء بعد العمره مثلا كيك و باقة ورد ظريفه ناعمه روما نسيه وترى الرجال يحب اللون الاحمر والابيض بس وهي احلى لونين وخلي تغليفها رجولي شوي كحلي او بني
وجعل ربي يسعدك ويريحك وتروحين وترجعين با السلامه
دمتم بود
$$ حبيبة $$
$$ حبيبة $$
ماعندي والله ذيك الافكار اللي تفيد
بس ما بغيت اطلع الا وارد عليك

المهم الله يتمم لكم سفرتكم يارب

واللي بوصيك عليه هو انكم بتروحون لاشرف بقاع الأرض يعني خلوا كللللللللل همومكم ومشاكلكم بديرتكم

وانبسطوا وخلوا روحتكم يسودها الهدوء والفرح وأسألوا الله التوفيق في حياتكم وإن الله يولف بين القلوب

هذا اللي عندي
وأسأل الله الحي القيوم أن يعيذكم من وعثاء السفر
ميمو الكتكوته
ابعدو عن المشاكل والنكد هذا اهم شي ولاتغلطون على بعض
وشوية عطور وقمصان وشموع وكلمات حلوه وانتهينا