الشمم يجيك على ريحه ماتعودتي عليها

يعني الي قليل تحط عطورات معرضه للشمم
الي قليل تتبخر معرضه للشمم

علشان كذا حريم اول يطيبون الي تبي تولد علشان وقت ماتولد ماتستشم

والشمم تقلصات شديده مع الم بالرحم والظهر هذا لشمم الارحام سواء حامل او والده او حائض
وممكن تستشم العمليه او بعد قلع الضرس ويكون متورم ومتهيج مكانهم


احسن علاج لشمم الارحام هو الكبو
تشبين فحم وترخين ملابسك الدخليه وتحطين المبخره بين سيقانك (تكون نضيفه او مغلفه بقصدير) وتحطين عليها كمون وقشور بصل وبعض الناس تحط سعف نخل
وتتبخرين فيها من تحت وعقب تلفين نفسك ببطانيه او روب طويل

اما شمم العمليات فيمسح الجرح بمره منقوعه بمويه
وشمم قلع الضرس تتمضمضين بمره منقوعه بمويه

وعلشان ماتستشمين (اي تصابين بالشمم) حطي شوية مره بفنجان قهوه واشربيها كل ماحسيتي انو العطورات الي دخلو فيها ضيوفك او زوجك قويه
وممكن مضغ قطعة المره اذا انتي مستعجله او ماعندك قهوه :)

هذا الي عندي

الله يعين يارب ..

غرررررريبه اول مره ادري انه فيه شمم قبل الولاده
اللي بعد الولاده وقلنا طيب حتى قبل الولاده؟؟؟؟؟؟


لاتوسوسون مستشفى الولاده حق الاجانب مليااااااااان عطور وروااااااااااائح من اللي يحبها قلبكم
وفوق هذا الاغلب يولد طبيعي ونااااااااادر مانشوف قيصري عندهم

تكفون وحده توضح الطريقه كيف تمنع الشمم وكيف تعرفه اللي في الشهور الاخيره

مرحبا بنات
انا بعطيكم من تجربة عانيت قبل 4 سنوات بولادة ولدي من نصف الثامن الى التاسع
وانا اقول اليوم اولد الام ومغص وطلق وكسافة>>> الحمد لله على كل حاااال
اروح للمستوصف يقولون فاتح الرحم واحد سانتي لازم تمشين كثير وامشي وبعد يومين ارجع
يقولون لسى فاتح 1 سانتي

المهم تعديت اسبوع على هالحااال

وكلمت وحدة من صديقاتي وقلت لها عن السالفة وقالت اسمعي يام شموخ الرحم مستشم
واخطر شي على المرة الشمم والله ثم والله يسبب الوفاة
المهم قالت قومي الحين وخلي امك تحط لك فحمة وتحط عليها شوي كمون وقشور بصل وبثل شاي طبعا لبتن عادي افتحيها وحطيها وشوي خوا جوا
المهم صكيت الجوال من صديقتي وقلت لامي عن كلام صديقتي
وبسرعة قامت وسوت لي اللي قلت لها
والله يابنات الكلام هذا كان الساعة 11 او 12 باليل
واقسم بالله الصبح الساعة 9 كنت والدة والحمد لله
وطلع فعلا شمم وبطل مفعوله من الكبو
هذا والله اعلم