حياكم الله يا احلى حوائيات
مرة من المراااير بشتاااااء بارد اشتهيت المرقووووووق اااه يا يمه وينك تسويلي الله يطول بعمرها انا ساكنه بمنطقه ثاانيه ولا اجيهم الا بالاجازات
المهم وانا اقوووول يا انا يالمرقووق عاد اني مستصعبته مدري ليه وخصوصا اني ساااكنه عند حمولتي والعشا علي
مابي اتفشل يقوولون ما علمتها امها المرقوق ووااااااافشلتاااااه
والحين نجي للطريقه والصوور وبتقولون طيب ليه المقدمه العريضه هذي وحا اقووول لكم المخرج عاوزه كدااا
2بصل مقطع صغاار/3فصوص ثوم مفروم/1ونص معجون طماط احبه احمرر/بهارات وملح ولومي ودارسين وكمون
خضاار مقطعه قطع وسط الموجووووود عندك مثل باذنجان كوسا بطاطس فلفل بارد قرع
وعجينه المرقوووق عبااره عن 3 اكواب طحين اسمر وماء على حسب العجين لما تصير زي عجينه الفطااير او اقسى شوي مثل كذا
نحمس البصل والثوم مع شوي زيت بقدر الضغط
ونضيف البهااارات
ونضيف قطع الدجااج والخضاار ومعجون الطماط والملح
ونحط عليه الماء لين يمتلي القدر
ونضغطه لين يستوي الدجااج تقريبا 40 دقيقه او اقل
وبهالوقت نرق العجينه لين تصير خفيفه مرررررررره كانها شفافه وبعدين تقطعين بالاشكال اللي تحبين دوائر كبار صغار او مربعات اللي تحبين هذي عينه من تشكيلاتي
وبعدين اذا استوا الدجاج والخضاار طلعيها من المرق بقدر وغطيها عشان ما تنهرس مع المرقووق
وابداي حطي قطع العجين حبه حبه لين تنتهي كل الكميه واضغطي القدر وقصري النار اخر شي
وخليها عشر دقااايق وبعدين حطي الدجاج بالقدر اذا استوى المرقووق واخلطيه واغرفيه واستمتعي بالذ مرقووق
اتمنى يعجبكم
واقووول للبنات اللي ما عمرهم سووا مرقووق لا تخاافون من اسمه تراااه مره سهل مثل ما تشووفوون
سي يو باطباااق جديده فديتكم
تسلم يدك