اول مره اشارككم وش رايكم بريجيم دشتي عشان ابدا فيه

السلام عليكم

هذي اول مره اشارك في هالقسم

انا طولي 167سم ووزني زاد بعد رمضان 3 كيلو يعني كنت 72 وصرت 75 :(:(:(
والله اني متحطمه حييييييييييييييييييييييل يوم شفت وزني اليوم .. لاني من يوم رمضان ماوزنت .. وبصراحه اكلي كان خرابيط في رمضان وماكنت احاسب .. بس خلاص الحين ماينفع اللوم

المهم عندي كتاب دشتي للريجيم
والكل يعرف انه ريجيمه يعتمد على البروتينات والابتعاد عن النشويات

المهم انا من امس بديت اخفف من الرز والخبز

واكله كله يعتمد على اللحوم بكل انواعها واشكالها والسلطات والماي

المهم بحاول قد مااقدر اني اخفف النشويات لين مااستغني عنها
لاني مااقدر استغني عنها مره وحده
المشكله اكلنا كله يعتمد على الرز والخبز
يعني مشكلة

ومشكلتي الاساسيه الفطور
مااعرف شنو افطر لانه الاغلب اكل سندويش جبن مع نسكافيه

مثلا اليوم شربت كوب نسكافيه ( ترى النسكافيه ممنوع في ريجيم دشتي بس صعب ابدا يومي من غير نسكافيه لاني بتم طول اليوم مصدعه ودايخه .. ادمان بعيد عنكم :) )
واكلت سلطه خضره مشكله مع قطع دجاج

ماادري هل طريقتي هذي صح ولا لا

ودي انزل 8 كيلو على الاقل

وكل اللي بسويه اخفف من اكلي كله وخاصة النشويات