السلام عليكم
كيفكم بنات شخباركم ؟
بصراحه تحمست مرة لما شفتكم تنزلون مطابخكم وبيوتكم قبل وبعد
فقلت ليه يابنت ماتشاركينهم بس خساره ماصورت الا بعد التعديل المره الجايه ان شاء الله اوريكم قبل وبعد وايالله بشوف ردودكم على فكرة انا سكنت البيت فيه المطبخ ولا شلته اللهم تنظيف بس الله لايوريكم وش تنظيف اطلعت روحي وانا انظف المهم شوفوا الصور
هذا نظره من اول ماتدخلي المطبخ
وهذي كمان
وهذي صناديق للبطاطش والبصل والثوم طبعا من صنعي كانت عندي ثلاجه وخربت فااخذت ادراجها ولبستهم وووبس وحطيتهم للخضروات
وهذولا هم من الداخل
وهنا الميكرويف وكان عندي كوب حلو بس شوي مشروخ من جهه فاحطيت له اكسسسوارات وللملاعق وكمان معه رول الكلينكس
هنا جهة الفرن وحطيت بالفراغ الي بينه وبين المجلى قصدير مثل ماانتوا شايفين (مالي داعي بس فرحانه بشغلي )
وهنا الطاوله وكمان سديت الفراغ مااقولكم فرحانه بشغلي
وهنا عاد الثلاجه والبراده وانتم بكرامه سطل الزباله مسبب لي عقده مدري وين احطه صاير بالنص
وهنا تعلمت منكم مااقط الكراتين فااستفدت منها بااشياء كثيرة من ضمنها هالصوره بس ماعليش لين الحين ماانجزت الشغل باقي الديكور بس ماعليه بوريكم
استغليته هذا للمناشف
وبس ياحبايب على فكره حنا لسا ساكنين يعني مالنا مده والله الله بالردود عشان اتحمس وكل مااسوي شي اصورهم لكم
(استحلت الموضوع )
على فكرة انا من النوع اول مايطري على بالي الشي اسويه فاامااستنيت لين اروح للسوق واشتري مفرش طاوله وحركات لا باقي القماش قصيته وحطيته وللكراسي بعد حتى ترتيب الاطراف مارتبتهم لاني اكتشفت مااعندي ابره وخيط لكن قلت يالله يابنت مدامك متحمسه سويها واذا رحتي السوق خوذي الي تبين
المهم عطوني ارائكم بس لاتثقلون علي خفيف خفيف زين واذكروا الله اذا اعجبكم الشغل والنظافه :27:
بعدين 26 الي دخلوا ولا رد اخ اخ يالاحباط