اول مره اشارك وابغى حل لمشكلتي تكفون احد يرد علي

بسم الله الرحمن الرحيم
هلا والله بحوائيات المنتدى الغالي بدلت كل الوسائل عشان اسجل بالمنتدى لاني اتصفح واقرا الردود والتفاعل المتواصل قلت ما لي غير هدا المنتدى الرائع لعلي اجد احد يعطيني وجه ويرد علي ولو بكلمه ادري اني طولتها بس من زود فرحتي
حبيباتي عندي كدا مشكله وكل ما فتحت السالفه لامي او اخواتي او حتى سلفاتي قالوا لي طنشي انتي بس حساسه وبصراحه ما لقيت حل الا التطنيش وانا مو مرتاحه
مشكلتي تتلخص في زوجي واخته لا تقولوا بدات الغيره اصبروا علي شوي واحكموا وساعدوني بحل انا متزوجه من ثمان سنوات وعندي بنتين انسانه عاديه وهادئه وعلى نياتي اكثر من لازم واخت زوجي تعشق اخوها وبجنون والاخ يبادلها نفس الشعور مع انها متزوجه الاانها دائما تقول مو هدا اللي كانت تتمناه كانت تبغى واحد زي اخوها جميل ورومنسي وحرك وفرفوش مو انسان رسمي ويحب شغله وبس على ما تلبس وتتكشخ وتدلع ما يتحرك ساكن فيهوصارت تلبس وتتكشخ لاخوها لانه دائما يتغزل فيها وتعالوا شوفوا الصدر المفتوح والبناطيل الضيقه والفساتين القصيره والشفافه وانواع المكياج والحواجب المشقره وتسمع انواع المديح من اخوها وهي طائره من الفرح ودائما تقول لي انتي ما تستاهلين اخوي والخ بس يدري انها زرت اهلها ويطلع لها طيران والله لو ما يقدر يتحرك منالتعب او النوم انه يصبح انسان ثاني مره كنا برا في السوق ودقت عليه وقالت له انها جت هب فيه يلايلايلا بعدين انا طفشت مره ثانيه نروح السوق امي تبغاني خلينا نروح عشان ما تزعل وهوه على باله اني هبلا ما افتهم غره سكوتي والله صرت ما اروح لها لما تجي استحي وانقهر من حركاتهم وكلامهم الاثنين لا والمصيبه صار يطاب الاخ مني اقلدها في الحواجب في اللبس قلت له لا لا لالا لا لا لا لا لا لي شخصيتي وتعجبني ولا اني مجبره اقلد احد ما احبه كلمته كدا مره ان الوضع هدا غلط وما توصل الى ها لدرجه بين الاخوان كل الناس عندهم اخوان واخوات وما عمري شفت مثلهم يقول انا احبها من قبل لاتتزوجها وهي بعد وبما انها ما تغير موقفها مني حتى انا ما راح اغير طريقتي معاها يعني ريحي نفسك وارضي بالواقع صرت اكرهها اي والله ادعي عليها بالموت