اول مره اشارك وحابه استشيركم بمشكلتي واللي سويته

السلام عليكم حبيباتي بنات عالم حوا :27:انا بصراحه اول مره اشارك وحابه اخذ ارائكم في مشكلتي وهل اللي سويته تايدوني فيه انا اتزوجت من انسان خدعني هو واهله من بداية زواجي يعني زواجي انبنى على كذب طبعا طلع مايصلي ولا يصوم مدمن وشكاك انا بالبدايه حاولت اني انصحه وصبرت وقلت لعل الله يهديه ويعقل وتكلمت معاه وحاولت ابين له ان اللي يسويه غلط وان حياتنا مستحيل تستمر كذا حاولت وحاولت وطرقت جميع السبل ولا في امل انه يتركها :44:بصراحه اني اعترف كان يحبني مرره وانا بعد حبيته كنت مستعده اصبر عليه واستمر بحياتي معاه على امل انه يترك المخدرات ويتعالج بعدين يا اخواتي اكتشفت انه يكلم بنات طبعا كذا مره اكتشف هذا الشي وواجهته بكل هدوء وروقان وطلبت منه اخباري بالسبب كان ينكر بالاول وبعدين لما تناقشت معاه طلبت منه يقول لي السبب اللي خلاه يسوي هذا الشي علشان نعالج المشكله وتخيلوا قعد يفكر واخر شي قالي بصراحه والله اسوي كذا دلع يعني بس كذا مو علشان شي محدد انا مو ناقصني شي :icon33:يا اخواتي الحمد لله انا انسانه اخاف الله عاقله وفاهمه وراقيه وربي منعم علي بالجمال هذا مو مدح في نفسي هذا اللي احسه واسمعه من جميع من حولي الى هنا الوضع ممكن يمشي حاله طبعا بحكم اني موظفه كنت اغيب عن المنزل وبحكم اختلاف اوقات وظايفنا انا وهو كان يجي وقت يكون هو لحاله بالبيت مع الخادمه و بنتي اللي عمرها ثلاث سنوات طبعا يا بنات والله اني كنت اثق فيه ثقه عميا من هذي الناحيه لانه هو بالاساس عذرا على الجراه مو جنسي ابدا بل بالعكس انا كنت اتضايق احيانا من هذي الناحيه تخيلوا يا اخوات جت لي شغالتي واشتكت من زوجي وانه حاول يتحرش فيها طبعا تاكدت تماما من انها صادقه لاني واجهته وانكر وخليتها تتكلم قدامه واتلخبط مبين عليه انه فعلا كذاب المهم زعلت واخذت موقف وبعدها رجعت المياه لمجاريها مرت الايام وجتني شغاله ثانيه ماعمرها اشتكت لي من شي وتخيلوا لما روحت كلمت شغالة اختي وقالت لها قولي لمدام لا يترك شغاله لحالها بالبيت مع بابا طبعا قلت له على كلام الشغاله الثانيه عنه قال كذابه تتبلى علي لو سويت لها شي كان اشتكت لك طبعا عديتها مع اني كان في نفسي شك ولما جتني اخر شغاله مسكته بالجرم المشهود يعني شفت بعيني ماحد قالي كان يحاول يعطي الخادمه فرصه انها هي اللي تطلب منه هذا الشي بس ربي ستر وتاكدت من شكوكي قبل لاتكبر السالفه وتتطور بصراحه يا اخوات انا وهو مشاكلنا كثيره مرره كان هو السبب فيها بالغالب بدليل انه بعد ما يسوي المشكله يندم ويعرف انه كان غلطان ويعتذر لي ويحلف ما يكرر اللي سواه مايمر وقت الايرجع لنفس الشي يغلط وبعدها يندم ويعتذر طبعا مافي اي مبرر بالدنيا يخليني اسامحه على الخيانه لاني صبرت وعديت اكثر من مره واكثر شي قاهرني اني كنت اهتم فيه وادلعه بس لما نكون متراضيين وكنت البس واكشخ على طوول لاني اصلا احب الاناقه والتزين وهو كان ينبهر فيني وفي ذوقي وحتى اسلوبي معاه كان دائما راقي وهو بنفسه كان يعترف لي بالشي ...طبعا قبل مااسوي اي شي استخرت ربي وقعدت في بيتي كم يوم علشان ما ابي ردة فعلي تكون وقت عصبيه وزعل وفكرت وقررت اني ما اقدر اكمل حياتي مع انسان بهالاخلاق الدنيئه لاخوف من الله ولا صلاه وفوق هذا خيانه وعلى قولة المثل رضينا بالهم وهو مارضى فينا وبعدها اتصلت على اهلي وبلغتهم بقراري وايدوني والحين انا لي اربع شهور عندهم وهو مو راضي يطلقني عنده امل ارجع له ويهددني ببنتي انه راح ياخذها وانا والله يشهد مابي افضحه عند المحاكم ومابي اني اقعد كذا معلقه فكرت ارفع قضية خلع ياليت اللي عندهم خبره يفيدوني كيف اتصرف وكيف اخذ حضانة بنتي ...دعواتكم وربي يحفظكم...[/