انا من رايي انك تجلسين وتكملين ماجستير

صيري طبيعيه معه لاقصى حد واعتبريه محرم جاي معك عشان تكملين دراسه

خلصي واذا رجعتي بالسلامه يحلها الف حلال

الله يوفقك

ماشاء اله عليك صحيح ان الموضوع طويل لكنه مرتب وواضح وهذا يدل على ذكائك ماشاء الله عليك

اول شي

الله يفرج همك وييسر لك من امرك ماتعسر

شوفي حبيبتي ترى واضح ان زوجك مايبي يخسرك لانه عارفك زين والخيانة لانها بدمه سمعت كثير ان اللي يخون مثل المدمن بصعوبة يتوب ويمتنع ، وكمان ترى الزوج اذا مايحب زوجته مايحب عيالها فهو يحبك بس يكابر ويجيك كلامي حتى لو انه خاين
صدقيني لو يبي يطلقك ماكان فكر ولا في اطلق شنب لكن يتعذر بس عشان مايبين غلاك وتمسكينها عليك مذلة،،، ورايي ياطويلة العمر اشوف لو تكملين دراستك وتقولينها له انك موقاعدة لسواد عيونه انك غسلتي يدك منه بس تخلصين دراستك وبتروحين بدون رجعه وماراح يشوفك الا بالاحلام طبعا عشان ييأس منك ومايفكر انك قاعدة بالغلط في هذا الوقت ، وكمان قوليله خون تزوج بكيفك ماصرت تهمني احس زوجك من النوع حتى لو تزوج غيرك لاقدر الله مستحيل يستمر بس لعب شهر شهرين ويرجعلك يجر اذيال الخيبة
العبي بكرت الجمال اللي ربي اكرمك فيه اطلعي بطله جديدة غيري طريقتك باللبس يعني خليه سبورت بناتي او كول غير شعرك ولونه واهتمي وبــيــيـني حالك مبسوطة وعايشه بعالم ثاني غير النكد خليه يلف حولك وحواليك يقول اش وراها طبعا او شي يجي بباله انك رديتي له الخيانة لاتبررين له قولي انت خايف لان حديث الرسول عليه الصلاة والسلام يقول ( من زنا يزنا به ولو بجدار بيته ) خليه يتلحوم ويدور وراك واذا اكتشف في الاخير انك بنت رجال بيحط يده على قلبه وياخذ نفس قوي ويقول اشــوى
وبعدها راح يفكر صح ترى الانسان احيانا مايمشي صح الا اذا جته علقة على قفاه وبعدها يصحصح

بس انتبهي

لاتتمادين في اللعب بمشاعره لدرجة مثلا تورطين نفسك بشغله تخليك غلطانة مثلا تقولين له كلمة تدينك وهذي النقطة ماينخاف منها لانك ماشاء الله ذكيه

ترى اغلب الرجال يحبون المرأة اللي سيجرون وراها وتمسح فيهم البلاط

وان شاء الله مايفشل زواج وراه زوجة ذكية

قلبي معك موفقه

حبيبتي زوجك جدا واضح ولاكن انتى عشان الالم والقهر الي تعيشينه مو منتبه مع انه باين عليك ذكيه وفاهمه جدا ماشاءالله ربي يزيدك

حبيبتي زوجك

يحبك ويحب عياله ابتلي بدا النساء

انا من رايي تكملين هالسنه ولاتخسرين الماجستير واعتبريها فرصه اخيره

ولاكن خلال هالسنه

العبي على العامل النفسي الي زوجك قاعد بلعب عليه

كيف؟

انا اقولك

اول شي اثقلي على زوجك يعنى تغيري 180 درجه

حسسيه ان انت خلاص انتهيت من حياتي انى جالسه فقط هالسنه عشان الماجستير

اهتمى بنفسك اكشخي البس عيشي حياتك لنفسك ولعيالك فقط وعيشي براحة بال وكان كل الي يسويه خلاص ماعااد يهمك

(انتهبي لامر اذا لاحظ هالشي بلجا لطريقة انه يزيد جرعات الخيانه عشان يشوف ردة فعلك انت طنشي وبنفس الوقت بيضيق عليك الخناق لانه يخاف انك تخونينه انتى صيري ذكيه لاتطمنينه من هالناحيه خليه بقلقه بدون مايصدر اي فعل يدينك فقط اهتمام بنفسك وعيالك وعيشي حياه رايقه وحلوه )

زوجك يخاف على سمعته قدام اهلهكم وقدام عياله بالمستقبل انتى العبي على هالنقطه

اني ماراح اسكت واخلي الناس تلومني بطلاق بالعكس ابعلهم ايضا عشان لو ماعلمتهم ماراح يجينى زوج جديد كويس<<هالنقطه بتقهره وتثير غيرته (هالنقطه وصليها له بالتصرفات موبالقول حسسيه فيها لاتقولينها 00

فهميه ان عيالك عندك يعنى لاتفكر انى باخذهم عندى بعد الطلاق وانت تروح تخون وانا اجلس اربيهم وماتزوج (بدون ماتصرحين حتى مايخذها عليك ممسك )

وضحي له ان العيال اذا كبروا راح يعرفون السبب طالت الدنيا او قصرت

وانتى تسوين كل هذا قبله عليكى بالدعا والصلاة والاستغفار وايضا حقوقه الزوجيه لو طلبها مالك حق تقولين لا اديها على اكمل وجه ولاكن بذكا وتقل

وخلال هالسنه حاولي تزرعين خوف الله بقلبه بدون ماينتبه

يعنى مثلا احد اطفال يسوي موقف وجهي طفقلك باسلوب راقي يحس هو من خلاله بقيمة الايمان الي بقلبك مثلا طفلك كذب او شي
وجهيه عن الخوف من الله وكيف ان الله عالم بكل شي <<طبعا باسلوب حلو وزوجك موجود حتى لو مو معطيك وجه لاكن راح ينتبه لكل شي تسوينه بدون مايحسسك

شغلي اشرطة محاظرات خليه يسمعه بدون مانتبهينه انه مقصود كانك انتي تسمعين

ولو مثلا دخل عليك وانتي تصلين اخر الليل حسسيه انك تدعين له وان ربي يتوب عليه ويبعده عن النار


ربي يسر امرك