اول مره اقدم على شغاله وش نصائحكم لي في تعامل معها

السلام عليكم

اختي الغالية نصايحي لج:

1) انج تعاملينها مثل ما تحبين انه يعاملوج الناس.
2) إنج ما ترهقينها(( <--- حلوه ترهقينها)) بالشغل ، وتساعدينها .
3) إنك ما تصرخين عليها أو تنازعينها أو تضربينها (لا سمح الله) . ولا تسمحين للأطفال يغلطون عليها بالكلام..
4) إنك تحافظي على حدود للعلاقه معها.. يعني تسأليها إذا محتاجه شيء.. تسولفي معاها من فتره لفتره .. بس ما تصير الأمور بينكم عاااادي.. بعدين ما بتقدرين تسيطرين عليها.
5) إن ما تتكلم مع زوجج أبداااا.. وإذا بغت أي شيء تطلب منج إنتي مباشره.
6) إن تبينيلها من البدايه شغل البيت وواجباتها .. بس لا تضغطين عليها من البدايه عشان ما تكره الشغل (البعض منهم يأتي ويعتقد انه بيجلس طووول اليوم مرتاح ) وشوي شوي بتتعوود عالشغل.
7) لا تسمحيلها تتدخل بأموركم العائلية..

وأخيراً اتقي الله في نفسك وفي هذا المسكينه فلولا الحايه ما ودرت اهلها ويت تخدم الناس عشان 600 آخر الشهر..

مع السلامه ..و سمحيلي طولت عليــــــــــج

انا بعد اقول نفس كلام الاخت اللي فوق جزاها الله خير

بس من البدايه لاتعلمينها المصاخه
يعني عطيها موعد للنوم وموعد للقعده
وقسميلها الشغل
مثلا.. لو عندك 7 حمامات الله يكرمك
خليها يوميا 3 حمامات بالتوزيع
والتكنيس .. الدور الاول يكون يوميا تكني وتمسيح
والثاني 3 مرات بالاسبوع
وووالخ
يعني سوي لها جدول
ومافي مانع تاخذينها معك بالطلعات اذا رحتوا تتمشون
بس احذري انها تختلط بشغلات ماتعرفينهم
لانهم ممكن يخربون بعض
اذكر كانت عندي شغاله مثل القطه مغمضه
ويوم اختلطت بغيرها
صارت متمرده

والله يعطيك خخيرها ويكفيك شرها ان شاء الله
والله الله بالمعامله الزينه