هذا ياطويلات العمر كنت عند بيت جدي وجت صحبت خالاتي عندهم بيروحو يتقابلو مع وحده تانيه وجايبه معاها صينيه وانا كنت جوعاانه والعب واقز الصينيه بديك النضرات الي تطيح الصينيه ومن قوه الجوع واقولها حسنه اعطيني حتى من غير معرف ايش فيها هههههههه قالتلي خالتك طلبتها مني وخالتي تلبس عباااتها وتقول انقلعي روحي من هنا وانا :p خلاص مو قادر اقاوم وقامت حزنت علي وقالت خدي وحده بس مو خالتي خالتي طردتني حسنى الله يسعدها المهم واذووووووووووووب في الطعم واخلي امي تسال خالتي ايش الطريقه ومانسيتها وهيا الي سمنتني بزيااااده ومااازال الادمااااااااااااان موجود
معرف ايش اسمها بس انا سميتها بطاطس حسونه
وهذي الطريقه وان شاء الله تعجبكم
اول شي بطاطا مسلوقه ومقطعه بهالحجم
وتسوي دقيق وشوي ملح وفلفل احمر وشوي زعفران عشان اللون نقطه فقط زي كده
وبعد الخلط تصير كده لازم يكون الخليط كريمي
وتغطسي البطاطا فيها وتقليها بالزيت الحامي زي كده
وهذا بعد القلي
اخخخخ كم هي مقرمشه
وهنا برضو
بعدين تجيبي حمر تمر هندي وضرس ثوم وتحليهم بمي وتخلطيهم بالخلاط مع ملح وفلفل اسود وكمون واذا ماحبيتي ثوم حطي معلقه خل واستغني عنها
لسه باقي ماخلصت عشقي يم يم
وتكبي عليها الحمر
دا شكلها بعد الهجوم
وطبعا مع حبيبي بيبسي
طبعا احلى لو كانت تغميس واحلى لو كانت متبله البطاطا بملح وكمون وبهارت خفيفه قبل وضعها بالدقيق
وسلامتكم اتمنى تعجبكم