من الفرحه مستااانسه حيل امس كان عندنا غدا و طبخت ربيان مع سمج زبيدي و كانت الاكله وااايد حلوة
اول مره بحياتي اسوي عزيمه :):):) و اكون انا اللي طابخه شوفوا صوره الاكل
المنيو كان :
سلطه عاديه
سلطه بطاط بالخل و الليمون و الكزبره
شوربه ربيان
مطبق ربيان
سمج زبيدي مقلي
مرقه ربيان
ما قدرت اصور كل شي لاني استحيت من زوجي بس اوعدكم مره ثانيه اصور كل الاكل :
ترا هذه مو مواعيني هذه المواعين حقت الشقه اللي حنا مأجرينها
يعني محد يعيب اوكي :):):)
عباره عن عيش تلدا بسمتي 5 اكواب من الحجم الوسط
و جيس من اكياس كنور للتبيله ( الكبسه ) بهارات خاصه بكنور ( هذه انا اخذتها من لكويت )
المهم الطريقه ..
جدر متوسط حطي شوي سمنه
بعدين حطي بصله مفرومه
بعدين البهارات الموجوده اللي تحبينها ( مكعب ماجي ـ جيس بهارات كنور كبسه ـ هيل ـ قرنفل ـ كركم ـ كمون ) ملح شوي و بعدين حطيت العيش المغسول جيدا و المنقع له ربع ساعه
و اخلي العيش يحمس عدل بالبهارات وياخذ طعم البهارات و العيش
بعدين صبيت عليه كميه من الماء الساخن بس يغطي العيش ويصير فوقه بنحو 1 سم او 2 سم مو اكثر
واخلي الماي يغلي عدل بعدين اقصر النار واخليه على كيفه يطبخ بهدوء على نار هاديه
بالوقت هذا كنت انا مسويه حميسه عباره عن :
مقلاه
زيت
بصله + ثلاث فصوص ثوم مهروسه
فلفل اخضر حار
و ربيان
واقلي الربيان في المقلاه
واحط بهاراتي عباره عن ( كركم ـ فلفل اسود ـ كمون ـ ملح ـ )
واخلي الربيان يتقلى عدل بالمقلاه وضفت ( ربع كوب ماء ) لان الربيان جامبوا فلازم شوي ماي عشان يطري ويصير مثل الزبده بالعيش
واقصر النار مني ليما تستوي الحميسه
بعدين لما يستوي فتحت جدر العيش وحطيته الحميسه فوقه و حست العيش .
بس لازم يكون العيش خلص مايه يعني وصل لمرحله الاستواء خلاص و رشيت عليه ملعقتين بقدونس او كزبره ما ادري بالضبط ( لاني ما عرف اميز بينهم ) :)
وبعدين يصير عندنا عيش حلو بطعم البهارات معاه ربيان وااايد حلو
:26:
المرق :
عباره عن :
جدر عميق
زيت
بصل
ثوم
بهارات انا احب احط البهارات مع البصل و الثوم عشان تحمس بالزيت
فلفل اخضر حار
الربيان و اخلي الربيان في الجدر عشان يبخ كل الماي اللي فيه
بعدين زدت عليه حبه ماجي
و فلفل اخضر بارد مقطع شرايح رفيعه طويله
بعدين ثلاث ملاعق معجون طماطم ( هانز)
بعدين ماي ساخن
وخليته يطبخ فتره
بعدين قلت ابي الماي يخف قلت ادخله الفرن احسن و حطيته بالصينيه اللي لقيتها بالمطبخ ( ترا هذه مو مواعيني هذه مواعين الشقه اللي مأجرينها ) عشان جذي لا تواخذوني المهم انها نظيفه مو لازم شكلها ... :):)
المهم صبيت المرق في الصينيه وخليته في الفرن وصار بالحلاوه هذه :)
بالعافيه