كيفكم يا احلى اخوات......النهاردة عالغدا عملت صينية بطاطس بالكفتة والطحينة رووووووعة ومغذية وطعم غير للبطاطس عن اي صينية تانية........جربوها واحكمو بنفسكو
المقاديـــــــــــــــــــر
بطاطس مقشرة ومقطعة حلقات سمكها 1 سم..ومقلية نص قلي في الزيت
حوالي نص كيلو لحم مفروم وعليه بصلة مفروم ناعم و بقدونس وكسبرة وملح وبهارات
نص كوب طحينة..سايلة عليها 3 فصوص توم مهروس وملح وبهار
نص كوب حليب
نص كوب ماء دافي
ليمونة
الطــــــــــــــــريقة
نخلط الطحينة بالماء الدافي ونضيفلها الحليب ونقلبها جيدا ونعصر الليمونة عليها
نعمل اللحم المفروم اقراص زي الهمبرجر كما في الصورة
في صينية بايركس ندهن شوية زيت و نرص حلقات البطاطس
نضع اقراص اللحم بحيث كل قرص يكون على حلقة من حلقات البطاطس
نرص باقي حلقات البطاطس عالوجه ونصب خليط الطحينة واللبن ...تدخل الفرن على درجة حرارة 180 لمدة نص ساعة...وده شكلها بعد الخروج من الفرن
وعملتها مع رز ابيض...ورشيت عليها رشة كسبرة .والطبق ده للجميل اللي هيرد عليا اول واحد
وبالهنا يااااااااااااااااااااااارب....
