اول مشاركة انصحوني دايخة

السلام عليكم بنااات عساكم بخير وصحة وسلامة انا مالي في المقدمات ابي ادش عالموظوع على طول واتمنى تنصحوني واعتبروني اختكم انا سيدة مطلقة عمري 33 سنة وعندي بنات اثنين ربي يحفظهم
الي عانيت الويل مع ابوهم بس تم الطلاق قبل 5 سنوات وارتحت من الهم ،المهم انه طول هالفترة انا الي اصرف على عيالي بحكم انه اهلي وظعهم الاجتماعي على قدهم فطنت اشتغل فترة واكعد فترة على حسب الشغل بعد 5 سنوات شغل بحلوه ومره تعبت وكرهت بس رب العالمين كريم بعثلي رجل حباب ملتزم يخاف ربه اجا خطبني وملكنا الحمد لله بس اهلي شرطو عليه مهر وحفلة وغيره ،طانت الامور بخير لحد اليوم واحنا كنا متفقين عالعرس بشهر 8 يعني بعد شهر بس اليوم يفاجاني انه صارت عنده ظروف واموره المادية شوية اتازمت وما يكدر يسوي حفلة ابدا بصراحة انا اتوهقت ما عرفت شكوله من جهة انا ما اهتم لهالسوالف اهم شي الملكة والمهر بس اهلي اعرف انهم ما راح يوافقون انه ما يسوي حفلة وخصوصا امي كاعدة تعزم بالناس من الحين وقريباتي مو شاغلهم الحين بس موظوع زواجي وشلون الترتيبات وهاالامور .انصحوني بنات ايش اسوي محتارة ما اعرف ارضي زوجي وما تسوي حفلة ولا ارظي اهلي وقرايبي الي يستنون العرس .بالله عليكم بنات ادعولي تتيسر اموري ويسخرلي زوجي ويوفقني .اسفة عالاطالة