السلام عليكم ورحمة الله وبركاته

اولا منزل مبارك تسكنونه بالعافية.........بالنسبة للي طلبتي باحاول اساعدك بلي اتذكرة

* بالنسبة لقماش الستائر انصحك بالقثمي ايام التخفيضات عندهم اقمشة رائعة من حيث الشكل والمضمون يعني تعمر إن شاء الله وفيها فخامة .........ولتفصيل كنب وستائر عندك محلات اسواق محمود سعيد يسمى سوق البدو عند ميدان الدراجة اسعارهم مناسبة وتفصيلهم حلو ويدوم ولكن الله يعنيك على تدوير الجيد منهم ...............انا فصلت عند محل للديكور كلفني كثير وللأسف خياط ماش ( ما فية بطانة للمخدات والمراتب واكتشفت انه يغري ما يخيط بعض الاماكن يعني مع الاستخدام والحرارة بينفك الغراء)

* بالنسبة لغرف الاطفال عندك مفروشات العمر عندهم سرر للاطفال اشكال والوان (( تراني من فترة ما زرت المحل يعني ما ادري وش جد))........وعندك محل لفت نظري وانت رايحة المجمع الي في المكرونه
مقابل صالون الوسيمة( ما ادري الاسم صح والا) للتجميل وانا امر اشوف اشكال حلوة لغرف الاطفال ولكن كجودة ما عندي فكرة ...........انا عني فصلت عند محل معروف بجودة خشبة الغرفة بسريرن ودولاب ثلاث درف وكمودينة وتسريحة كلفني تقريبا 9000 ريال هو غالي ولكن الوان رائعة وتصميم انت تعدلينه على كيفك اذا تذكرت اسم المحل كتبته لك ...................اتمنى اكون قدرت اساعدك بشئ لو بسيط وان شاء الله الباقين ما راح يقصرون معك..........

السلام عليكم

الف مبروك الفيلا ويارب يعطيكم خيرها ويكفيكم شرها .. وافتحي سورة البقرة بكل البيت ثلاث ايام

اختى بالنسبة للاطفال فيه محل بيت العز وانتى جايه من دوار الهندسه على دوار الفلك عندهم اشياء مره حلوه

وكمان العمر مثل ماقالت الاخت عنده صوالين فخمة انا صالوني من عنده شوفي في موضوعي هو غالي شوي بس الحين تخفيضات الحقيه بضاعته روعه وممتازة
هو جنب الصيرفي مول شارع الستين

كمان الستائر انا اخذت الاقمشة من الجديعي برضه شارع الستين جنب سيتي بلازا روعة اقمشته يجيبها من الامارات

والتفصيل محمود سعيد بس اختاري الموديلات الجديده والاقمشة الفخمه انا سويت عنده كنب غرفة المعيشه ادخلي على الرابط يلي في توقيعي تشوفيه لونه زيتي وبرونز كل مين جانى عجبه

الله يوفقك واي سؤال انا حاضرة :)

بس ياليت نشوف بيتك حتى نقدر نختار لكِ ونكون معاكِ خطوه خطوه

سلام ياحلوة ... أتمنى البنات يساعدونك لأني ما أعرف العناوين بالضبط ...

أنا قبل سنة ونص سويت غرفة لبناتي وسرير لولدي (على شكل سيارة)عند شذى لغرف الأطفال وهما يغيرولك اللي تبغين وعندهم نماذج وصور وأظن لو جبتي موديل من عندك يسوونه .... سرير ولدي أخذته أظن بحدود الست ميه وغرفة البنات دولاب وسريرين وإثنين كمودينه وتسريحة بكرسيين على شكل كوخ بحدود ألف وثمان ميه وهم زي ماقال اللي في المحل يسوون غرفهم في الرياض أو يجيبون الخشب منه .... وأعرف ناس كمان مسوين غرفة بنتهم عنده وهي حلوة مره ... والأهم أسعاره مناسبه وعنوانه ماني عارفه بالضبط لكن هو قريب من سوق السوريين مو فيه محلات قبل السوق يبيعون تحف وشجر وأثاث هو قريب من المحلات هذي لكن مو على نفس الشارع لا تلفي من نفس الشارع هذا يمين ...... أعذريني ما أعرف إسم الشارع ولا وصفه .... لكن إسألي عن إسم المحل .......على اللوحة مكتوب شذى بخط صغير وغرف الأطفال بخط كبير مرة ..... سألت زوجي يقول الشارع إسمه أم القرى ...

وأنصحك تروحي لسوق الصواريخ فيه محلات الأثاث نفس المحلات الفخمه بأقل سعر ومرات نص السعر أنا رحت محمود سعيد والصواريخ والإتحاد وأخذت غرفتي من سوق الإتحاد بستة ألاف وشايفتها في بعض المحلات بعشرة وأكثر أظن إسم المحل زهرة الخليج ..... وتراي لفيت السوق كم مرة لكن اللي ألاقي مو اللي أبغى ولأني كنت ألف براحتي عشان كذا شفت الأسعار والموديلات وقارنت بينها وبعد الزيارة يمكن الثالثه لنفس السوق شريت الغرفة ..... فأنصحك لاتستعجلين لفي الأسواق كلها كم مرة وإكتبي الأشياء اللي تعجبك وسوي مقارنه بالأسعار .... أما عنوان سوق الإتحاد كل مرة نروح السوق نضيع السوق كله ما عدى أخر مرة ماضيعنا ..... إسألي عنه إذا ماتعرفينه أو قولي ليموزين يوصلك له .......

سوق محمود سعيد فيه محلات جوا حلوة ممكن تلاقي عندهم طاولات ومداخل حلوة وسعرها مناسب لكن زي ماقلت في الأول شوفي الأسواق كلها وإكتبي ملاحظاتك وقارني بين الأسعار......وترى نفس اللي بالمحلات الفخمة تلاقيه بهذي الأسواق بسعر أقل ونفس الجودة .... أنا من أربع سنين أخذت كنب من محمود سعيد بأربعة ألاف مع ضمان على الخشب خمس سنين وزميلتي مسويه يشبهله بثمان عند محل ثاني والقماش تمزع والخشب يتكسر على طول واللي عندي إلى الأن كأني تو شاريته رغم إني نقلت أربع مرات مرتين للرياض .....

بالتوفيق الله يجعله منزل عامر بالأفراح على طاعته ....

شكراً يابنات على ردكم الله يجزاكم خير سؤالي عن محمود سعيد هل تفصيله كويس يعني لو جبتلهم صورة صالون معين هل ممكن يفصلوه بالضبط؟؟؟ وبالنسبة لغرفة الاطفال حاروح بيت العز ، العمر ، شذى وإن شاء الله الاقي شيء حلو والله يعطينا خير البيت ويكفينا شره ويرزقنا من عنده

أم عمر مشاء الله دخلت على الرابط الله يهنيكي بالفيلا ويطيكي خيرها ويكفيكي شرها سؤالي عم الاكسسوارات عامة من فين جايبها؟؟؟ والكونسول اللي عندي المخل والزرع عامل إضافات حلوة من وين عادة تشتري