طبعا مثل ماشفتوا العنوان اول مشاركة لي بالمنتديات عموما ومنتدى عالم حواء خصوصا اتمنى اني اقدر افيدكم يالغاليات والله الله بالردود لاتنسون عشان اتحمس وانزل الباقي:)
طبعا هذي المكرونة سويتها لان ابو الشباب كان نفسه فيها وانا يعجبني فيها انها سهلة بالحيل وماتاخذ وقت ومقاديرها متوفرة على الدوام
نبدا على بركة الله
اول شي نجهز مقادير سلق المكرونة اللي هي نصف فنجان قهوة زيت كوبين ماء قد تزيد او تنقص وملعقة ملح كبيرة وملعقة صغيرة من الفلفل الاسود المطحون وبهارات مشكلة زي ماتحبين ونصف بكت مكرونة
نحطهم في قدر على النار ونتركها الى ان تغلي
بعدين نتركها على نار هادية الى انا تنشف الموية تقريبا ونشيلها
نجهز علبة قشطة وملعقة كبيرة جبنة سايلة والصينية اللي نبي نستعملها
نضع القشطة والجبنة على المكرونة ونقلبها كويس بعدين نضعها في الصينية
صراحة انا عند هذي الخطوة اوقف كثير لاني اموت في طعمها بالقشطة والجبنة فتلاقوني اكل واكل يمي طعمها لذيذ
الان نجي لمقادير الصلصة
بصلة صغيرة
حبة فلفل رومي
فص ثوم كبير
بهارات وفلفل اسود وملح حسب الرغبة
زيت
خل
كاتشب
طماطم معلبة
هنا بعد ماقطعتهم نسيت مااقطعهم من البداية
يتبع لاحد يرد ياحلوييين