طبعا مثل ماشفتوا العنوان اول مشاركة لي بالمنتديات عموما ومنتدى عالم حواء خصوصا اتمنى اني اقدر افيدكم يالغاليات والله الله بالردود لاتنسون عشان اتحمس وانزل الباقي:)
طبعا هذي المكرونة سويتها لان ابو الشباب كان نفسه فيها وانا يعجبني فيها انها سهلة بالحيل وماتاخذ وقت ومقاديرها متوفرة على الدوام
نبدا على بركة الله
اول شي نجهز مقادير سلق المكرونة اللي هي
نصف فنجان قهوة زيت
كوبين ماء قد تزيد او تنقص
وملعقة ملح كبيرة وملعقة صغيرة من الفلفل الاسود المطحون وبهارات مشكلة زي ماتحبين
نصف بكت مكرونة
نحطهم في قدر على النار ونتركها الى ان تغلي
بعدين نتركها على نار هادية الى انا تنشف الموية تقريبا ونشيلها
نجهز علبة قشطة وملعقة كبيرة جبنة سايلة والصينية اللي نبي نستعملها
نضع القشطة والجبنة على المكرونة ونقلبها كويس بعدين نضعها في الصينية
صراحة انا عند هذي الخطوة اوقف كثير لاني اموت في طعمها بالقشطة والجبنة فتلاقوني اكل واكل يمي طعمها لذيذ
الان نجي لمقادير الصلصة
بصلة صغيرة
حبة فلفل رومي
فص ثوم كبير
بهارات وفلفل اسود وملح حسب الرغبة
زيت
خل
كاتشب
طماطم معلبة
هنا بعد ماقطعتهم نسيت مااقطعهم من البداية
يتبع لاحد يرد ياحلوييين:)
نحط البصل والثوم في الصاج مع الزيت لحد مايذبلوا
بعدين نضيف الفلفل الرومي ونخليه لحد مايذبل
نطحن الطماطم في الخلاط
نضيف الكاتشب والخل والبهارات والفلفل ونكون حذرين وموطين النار لان ممكن يتطاير علينا
نقلبهم وعلى طول نضيف الطماطم والملح ونقلبهم والنار هادية ونخليها تتسبك مزبوووط
نرفعها عن النار ونضيفهم على وجه المكروووونة
بعدين ضيفي الجبنة فوقهم والزيتون انا عن نفسي مااضفت الزيتون لانه غير مرغوب عند ابو الشباب وحطيت جبنة سايلة لانها طعمة مرررررة وانتي وذوقك بس لو تجربينها بالسايلة من جد رووووعة
بعدين نحطها في الفرن ونولع عليها نار متوسطة من فوق وتحت مدة ربع ساعة
وهنا بعد ماخرجناها
يميييييي زووم للتعذيب
لاتنسوني يابنات من دعواتكم والله الله بالردود الزينة
في امان الله