اليوم جايبتلكم بسبوستي الخاصه
سامحوني بس صورتين والله ماخطر ببالي انزلها الا بعد ماخلصت منها
بس ولايهمكم الطريقه سهله وماتحتاج صور دحين تشوفو
اول حاجه شوفو الصوره
شوفو القشطه كيف مشهيه
دحين اديكم المقادير وهيه سهله مره تحطي
اصبع زبده على النار لحد
ماتسيح مره وتسيبيها تبرد وتحطي عليها
4 ملاعق حليب بودره و3 حبات جبنة كيري
او المراعي المربعات وتحطي رشة فانلا ورشة
قرفه هدول مو شرط ممكن تستغني عنهم
وتحطي نصف كوب سكر ونصف كوب حليب
طازج او طويل الاجل مومشكله كلو يمشي
وتخلطي كويس كويس وبعدها تحطي
كوب وربع سميد وملعقه بكنج بودر واخر شي تحطي
ربع الكوب نارجين اذا تحبي انا حطيتو
وبعدين تجيبي الاكواب الصغيره مو حقت الكوب كيك لا
فيه اصغر منها تجي قد حبة التمره صغيره مره
تاخذيها وترصيها بالصينيه تبعها
وتعبيها بالعجينه وبعد ماتستوي وتبرد
تجيبي ابره وتدخليها في القشطه وتسحبي القشطه
وتدخليها تاني في البسبوسه وتضغطي
رح تدخل كلها جوا مره
وهكذا الين ماتخلصي كل الكميه
انا حطيت في كل حبة بسبوسه
دور كامل من القشطه
والي حابه تزينها بشرايط الشوكلاته
او شرايط الحليب المحلى بتطلع
احلى بس بتكون دسمه
اكتر وبالعافيه على قلوبكم
هادي الابره صورتها لكم وانا اشتريها
بالكرتون من الصيدليه عشان ازين
فيها الحلويات مره عمليه
ومعقمه وسهله في الشغل
حبيباتي ادعولي براحة البال والشفاء جزاكن الله خير الجزاء
المنتدى صاير شفاف عندي والصور مو ظاهره
وامس يقولي استنفذت مشاركاتك
احد يفهمني ايش صاير
والصوره طالعه عندكم لو لا!