بسم الله الرحمن الرحيم
نفسي كل كلمه اكتبها توصل لقلوبكم لاني مش هكتب الا الي خارج من البي
لان البي مليان احلام كتيير كتيييييير وامال
مستنيه اليوم الي هيتفتح لها الباب وتخرج لارض الواقع وتبقي حقيقه
:D
اقولها ولا احتفظ بيها لنفسي
بصوا باه انا هقولها ممكن لما تقروها تساعدوني في تحقيقها:27:
بحلم ان ربنا يرزقني بعمل اخدم بيه الاسلام ويكون سبب في عزه المسلمين
بحلم اموت شهيده في سبيل الله ويكون دمي تكفير لكل ذنوبي
بحلم كلنا نقابل الرسول في الجنه ونقوله اد ايه بنحبه بس نمشي علي خطاه الاول في الدنيا
بحلم اني اعيش في دوله اسلاميه
اصحي من نومي الاقي القران شغال في كل بيت وفي ايد كل مسلم ومسلمه
انزل الشارع الاقي ا لحجاب اللي يساعد الشباب علي غض البصر مش لابسالي طرحه من فوق وجيب قصير من تحت:confused:
اجي اركب الباص الاقيه دورين دور رجال ودور نساء( رضينا بعلبه السردين اللي بنتخنق فيهاكل يوم بس ما تبقاش سردين علي تونه في علبه واحده)
بحلم اسمع المسد كوول الاقيه صوت دعاء او اغنيه تزودني قرب من ربنا
بحلم لما اجي ارفه عن نفسي انا وزوجي نلاقي سينما اسلاميه لافلام هادفه
اخرج مع اصحابي نلاقي كافيه للبنات شيك ورقيق وامن
بحلم اغمض عيني وافتحها الاقي مصر ما بتطردش ولادها للغربه والحرمان من الاهل والاصحاب لو السرقه انتهت في مصر وكل انسان اخلص في شغله المرتبات هتكفي وتفيض
بحلم ان كل انسان مسلم يخرج زكاه ماله علشين مانلاقيش فقرا ده غير ان المال اصلا ما يكونش اصله حرام
بحلم الاقي كل مسؤول عن حاجه في البلد يكون اد الامانه ابتداءا بالدكتور للمدرس للميكانيي لعامل النظافه ويتقي ربنا في كل قرش بياخده
بحلم ان التعليم يكون فيه ابداع مش كلمتين نحفظهم ونحطهم في ورقه الاجابه وخلاص
كان عندي دكتور في الكليه يقول غدوني وانا انجحكم يعني اشتروا الكتاب وطبعا الكتاب كان بينزل قبل الامتحان بيومين علي ما يكون ضمن اننا كلنا دفعنا الفلوس طب فين الاستفاده اللي هنستفيدها نحفظ بسرعه ونكتب الكلمتين في ورقه الاجابه بسرعه وننسي برضه بسرعه
بحلم الاقي فن هادف وجميل يملي البيوت سعاده وحب وهنا مش يملاها نانسي وهيافه اه احم احم سوري اقصد هيفا
بحلم الاقي الف ا /عمرو خالد وا /مصطفي حسني والف شيخ محمد حسان وشيخ حازم
بحلم ما الاقيش في المحلات الا منتجات مصريه بس ماتكونش معموله من زهره واسمنت ابيض زي لبن الاطفال
بحلم بمناظر تتمحي من الوجود
منظر دم اطفال وشيوخ ونساء اتجرحوا واتقتلوا ظلم في ظلم
منظر بيوت بتتهدم علي امهات حوامل واطفال بريئه نايمه بتحلم بالمراجيح والاستغمايه والمصروف الصغير اللي هياخدوه من ماما وبابا بكره
منظر بكاء ام البها هينفطر علي ابن مش لاقياله تمن الدوا
منظر اب بريء ومظلوم خدوه من عياله الساعه 3 بالليل للمعتقل علشين كلمه حق بيقولها وامنيات جميله لمجتمعه نفسه تتحقق
بحلم ان كل زوج يرضي زوجته ويكرمها وكل زوجه ترضي زوجها وتكرمه ويعيشوا ايامهم حب في حب وسعاده في سعاده
علشين الجنه تبقي فعلا في بيوتنا
بحلم ان كل منتدي اوموقع للطبخ يكون فيه وجبات خفيفه للاطفال بتتكون من صدق وشجاعه ومروءه وحب الدين والعباده ونصره الامه علشين يوم مع يوم الطفل يكبر ويكبر ويبقي صلاح الدين او عمر بن الخطاب ...
بحلم بنت اسلامي وشات اسلامي يبني عقول الشباب والبنات بكل هادف وجميل مش مواقع اباحيه وكلام اباحي بتخرب الشباب قبل الزواج وبعده وفعلا قالوا الغرب كاس وغانيه تفعل بامه محمد مالا يفعله الف مدفع بحلم نرد عليهم ونقول( فعلا كاس وغانيه تفعل بامه محمد مالا يفعله الف مدفع من استفزاز مشاعر الايمان وايقاظها والغيره علي الدين فنقوم لصدها بشتي الوسائل)
بحلم ان كلنا تكون خاتمتنا جميله وحياتنا كلها نور ووجوهنا نور ونتقابل كلنا في الجنه ماسكين في ايد بعض قلوبنا مليانه فرحه بنهني بعض والرسول بيبتسم وربنا راضي ونبص بصه سريعه علي ذكريات الدنيا ونقول
يااااااااااه اد ايه الدنيا كانت قصيره الحمد لله علي كل عمل طيب ربنا وفقنا ليه
كم احبك ربي @km_ahbk_rby
عضوة فعالة
يلزم عليك تسجيل الدخول أولًا لكتابة تعليق.
دي اول مشاركه ليا وانتي اول واحده تردي عليا بجد مش هنساكي يا اغصان الورد
انتي اللي رقيقه علشين كده عينيك دمعت وربنا يحقق احلامنا يا قمر
انتي اللي رقيقه علشين كده عينيك دمعت وربنا يحقق احلامنا يا قمر
د/سناء :
نورتى المنتدى معانا يا ربى كم احبك وان شاء الله دايما بخيرنورتى المنتدى معانا يا ربى كم احبك وان شاء الله دايما بخير
يسلم لسانك اللي كله عسل في عسل..
واحلامك اللي عسل مثلك وتشرح الصدر عن جد عبرتي عما في داخل قلوب كثير من اهل الخير منا..
تسلمين يالغلا تسلمين على كل كلمة وحرف كتبتيه وفعلا انتي مو بس كتبتي احلامك انتي طلعتي لنا معدنك الاصيل..
وعالم حواء كله يتشرف بوجود وحدة مثلك وعندها نفس احلامك..
اسال الله العلي العظيم ان يحقق احلامك ويجعلك تشوفيها ونشوفها كلنا ويعطيك على قد نيتك..
وربي كلامك اثر في كثير ودمعت بسببه عبرتي عما في داخلنا واللي نحسه غصة في قلوبنا وخليتينا نعيشها شوي..
تسلمين ياغالية ..
وادري طولت عليك بس اقولك والله غصب حبيتك ودخلتي قلبي وماهن علي اطلع بدون رد يعبر عن جزء من احساسي ..
واتشرف فيك ولاتقطعينا من مواضيعك واحلامك الحلوة..
ياعسل ياام الاحلام السعيده..
تقبلي ارق تحياتي..
واحلامك اللي عسل مثلك وتشرح الصدر عن جد عبرتي عما في داخل قلوب كثير من اهل الخير منا..
تسلمين يالغلا تسلمين على كل كلمة وحرف كتبتيه وفعلا انتي مو بس كتبتي احلامك انتي طلعتي لنا معدنك الاصيل..
وعالم حواء كله يتشرف بوجود وحدة مثلك وعندها نفس احلامك..
اسال الله العلي العظيم ان يحقق احلامك ويجعلك تشوفيها ونشوفها كلنا ويعطيك على قد نيتك..
وربي كلامك اثر في كثير ودمعت بسببه عبرتي عما في داخلنا واللي نحسه غصة في قلوبنا وخليتينا نعيشها شوي..
تسلمين ياغالية ..
وادري طولت عليك بس اقولك والله غصب حبيتك ودخلتي قلبي وماهن علي اطلع بدون رد يعبر عن جزء من احساسي ..
واتشرف فيك ولاتقطعينا من مواضيعك واحلامك الحلوة..
ياعسل ياام الاحلام السعيده..
تقبلي ارق تحياتي..
الصفحة الأخيرة
الصراحه دمعت عيوني وأنا أقرأ كلامك الجميل
يارب تتحقق كل كلمه قلتيها ,, وياهلا فيك بينا
وبدايه طيبه منك وموضوع رائع يعبر عن معدنك الأصيل