البيت ككل حلو ومرتب ماشاء الله بس لما دققت فيه لاحظت كم شغلة..

في هذي الصورة في دولاب طويل حق إيش؟ اذا هو الله يكرمكم حق جزم فأقترح انه يكون في المدخل
وكأنه في شي فوقه الصورة مو واضحه مره على العموم الشي اللي فوقه كبير يعني عالي خليها تاخذ قاعده ان اي دولاب طويل لاتحط تحفه طويله فوقه واي طاوله قصيرة او صغيره لا تحط شي طويل فوقها..


وعلى فكرة عجبني الكنب كثييييييير...أما الستارة فأعتقد إن مكانها مو مظبوط..لانها:
غطت الرسم الرائع..
جت الستارة كذا تكملة طقم الكنب وكان بالامكان الاستغناء عنها.
الجدار فيه دخله غير مناسبة لمكان الستارة يعني حتى لو انها حبت تحط ستارة بدون شباك عشان تكمل الكنب كان الاولى انها تختار مكان ظاهر غير منزوي..بس احس ان اختك الله يحفظها ويهنيها انجبرت على هذا المكان لاني فكرت لها بمكان ممكن تحط فيه الستارة مالقيت؟؟
لكن انا عندي حل لها اتمنى يعجبها واكيد سهل لا فيه هدام ولاشيل ولاحط..
شفتي الكنب مو فيه شزلونتين؟؟صح؟
صح؟
قولي صح...
هذا ياستي تشيلي وحدة منهم وتحطيها تحت الستارة وشوفي كيف تصير حلوة وخليها تجرب اذا سكرت الستارة يصير حلو والا لا؟ خليها تجرب..
وخليها تعيد توزيع الكنب بعد ماشلنا الشازلون منها.


أما السقف قمة في الإبداع صراحه ماشاء الله.

بعدين كاني شايفه مغاسل فخمه بدخله جنب الستارة طقيلها صور تكفين..
راح أرسل هذا الرد واروح ادقق بالصور الباقيه واعطيكي تعليقاتي كرأي شخصي وذوق أكيد مختلف عن ذوق أختك الله يهنيها واعجبني ذوقها كثير وعجبتني كلمة وحدة من العضوات اللي ردوا كتبت لاختك لا تكملي البيت اذا مالك خلق ...فعلا انا اذا سويت شي في بيتي وماكان مزاجي رايق ماتجي معاي تمام اما لما اخش جو مع كوب الشاي حقي اطلع شي تماااااااااااااام..
بس والله انجاز الله يعطيها الصحه والعافيه والروقان..
اكمل بعد الفطور.....جا المعصوب...خخخخخخخخ

البيت ماشاء الله ولا اله الا الله فخم ومتعوب عليه

الله يهنيهم ويعطيهم خيره ويكفيهم شره

ويجزاكي خير لموضوعك

نفس الملاحظة اللي لازم تنتبه لها لان هذي اصلا طاولة خدمه وقصيرة فانصحها تحط عليها مثلا مفرش وطفاية فقط عشان اذا جوها ضيوف وحبت تقدم لهم مثلا عصير وجت وسحبت الطاولة عشان تقربها لهم مايطلع بوجه الضيفه شي طويل يغطي وجه اللي جالس قبالها ..ماشي وصلت الفكرة؟ وصلت.
قولي ايه..


الكنب طبعا رووووعه..ذوقها في الكنب حلو حلو...

وحلو المدخل بس خليها تشيل سلة المهملات تحطها بزاويه في مكان ثاني ..


اختك موفقه بالسقوف ماشاء الله..سقف صالة فوق كوووووووووووووووووول.


غرفة الولد الكبير روقااااااان بس بعدين على فضاوة لما تجمع لها قرشين حلوين تجيب له لحاف لون قوي خمري اوبيج فيه ورود خمري عشان تعطيها حياة أكثر ..


غرفة الولدين جابت لي النوم احس انها مرييييحه..


والله عجزت اكمل اطراف فمي انشقت وانا اتثاوب شوفي كل كلامي مجرد راي لا اكثر ولا اقل..ودي صراحه اجي اشرب في بيت اختك كاسة شاي بالصالة اللي برا وبعدين اروح انام بغرفة الولدين على السرير اللي على اليسار حسيته مرييييييييييييييييح وودي اروح العب مع البنانيت في غرفتهم الفرفوشه ذكرتيني ماشفنا غرفة الشيبان؟ ورينا جدرانها وسقفها وستارتها وتسريحتها بس...
جعله بيت عامر بصوت وعز أهله يارب

ماشاء الله لا قوة الا بالله الله يحفظهم من كل حاسد مايخاف ربه ----ننتظر منك المزيد رعاك الله ووفقك وسلم يدينك