اختي العزيزه...

اول شي احب ابارك لك واتمنى من كل قلبي ان ربي يتمم لك على خير ويوفقكم ويديم مابينكم بالحب والود والتفاهم..

ما يحتاج اقولك البنات كفو ووفوا ما شاء الله وكلامهم عين العقل بس انا حابه اقولك شي اختي واحده من بنات عماني كان مهرها 50 الف واهلها زادوا فوقه 50 الف ثانيه يعني صار ميه الف اشترت وكشخت وسوت فرح اسطوري وما خلت شي قلبها ماسوته..

لكن شهرين والله مو اكثر وهي في بيت اهلها مطلقه.!!

مية الف ريال وش فادتها فيه مية الف راحت كذا هذا غير القصروالعشا وشهر العسل والهدايا و..و..و..

ربي ماراح يحاسب عليها؟!! واش يدريك يمكن هذي عقوبه من ربي عشان هالفلوس اللي انصرفت..

يا حبيبتي ما اظنك تتمني تاخذي مليون والنهاية مطلقه في بيت اهلك الله لايكتبها على وحده فينا..

الزواج موب فلوس اهم شي الرجال ووفاه واخلاصه وحبه لك بالدنيا لأن هذا اللي بيدوم لك وصدقيني لو مايبغوك اوشي ماكان خطبوك من سنتين وهم اكيد جربوا اختك ومتعشمين فيك الخير مثلها انشاء الله..

وربي يوفقك ويريح بالك..

السلام عليكم ورحمة الله وبركاته
اختي الحبيبه .. احسني الظن في زوجك واهله ولا ترا والله بتتعبين من البدايه يعني ليش ما تقولين هذي مقدرته ويمكن اهو ما طلب مساعده من اهله وحب يجيب لك المهر من كده وتعبه اهو من غير منية احد فيه كثير رجال كذا حالهم عندهم عزة نفس كبيره بعدين يمكن الله يرفع مكانتك وتكونين اسعد من اختك ويحبب زوجك فيك وترى المهر كله والله بيروح في ملابس وخاربيط بكره يمكن تحملين وتخرب عليك ونهايتها تطيح في كبدك يعني تعوذي من ابليس وادعي الله يستر عليك ويسخره لك ويحببه فيك وما يشوف غيرك من الحريم ويرزقك منه الذريه الصالحه ،،،،، بعدين لا تفكرين الحين في المهر كم لالالالالا فكري بكره بكرمه معك وانه ان شاء الله يجيب لك الي نفسك فيه بس حبيت افيدك والله يسحره لك قولي امين ويسخر لنا ازواجنا كلنا اللهم امين

يا غاليه...أعظم النساء بركة أيسرهن مؤونه..
ولو كان في زيادة المهر أو قلته فائده..لكان أولى الناس بها زوجات النبي عليه الصلاة والسلام..
ونساء الصحابه رضي الله عنهم...

ياحبني لك ..يامضيعة
يا حبيبتي لا تكون نظرتك للموضوع محدودة بهذا الشكل ,,كثر المهر او قله ابدا مش مقياس
انا اتكلم من واقع تجربة ..انا تزوجت بمهر خمسة الاف ريال سعودي,,لأنه عمر الفلوس ماتحدد قيمه الأنسان,,الدعوة مش بيع وشراء ولاتنسي ان اكثرهن بركة اقلهن مؤونة والحمد لله اكرمني بزوج ما ابله بكنوز الدنيا الأن متزوجين لنا10سنوات وعنندنا 3اولاد والله ماكأن مرت علينا هالسنين

عزيزتي
قبل تستعجلين في الحكم والقرار تأكدي..
يعني يمكن هذا اللي يقدر عليه الشاب..
وتاكدي ياعزيزتي بأن الرسول عليه أفضل الصلاة والسلام قال:
( أعظم النساء بركة أيسرهن مهرا)
لاحظي ايسرهن وليس أكثرهن..
والله ياعزيزتي لو بتجلسين تتابعين كلام الناس على كلام العقل والدين والمنطق
بتتعبين.. أبدأي حياتك بالإحتكام لكتاب الله وسنة نبيه عليه أفضل الصلاة والسلام
وتأكدي أن الإنسان اللي بتتزوجينه أهم شي يكون صالح ويحافظ على الصلاة في أوقاتها جماعه
بار في والدينه شغله حلال مهما قل..
بعدها تأكدي أنك بخييير ولا تنسين الإستخاره عزيزتي..
والله يوفقك ويرزقك وبنات المسلمين..
تحياتي,,