اول معاش ينزل لي

السلام ياجميلات
بدخل دوغ ري
انا توظفت بعد ١٤ سنه من غير وظيفه توظفت وظيفه حكوميه بدون واسطه وفضل من احد
وظيفتي اداريه راتبي ٧ الاف اللهم زد وبارك
متزوجه وعندي اطفال
اتكلم شوي ماقبل الوظيفه كنت معدمه فقيره يالله البي احتياجات الاساسيه فقط زوجي موظف وراتبه فوق ١٢ الف يعطيني مرات الف ومرات ٥٠٠ هذا المصروف شامل لاحتياجاتي كلها واحتياجات الاولاد
مرت عليه فترات احتياج مالقى احد يساعدني بصراحه ماكنت اطلب من احد فلوس الا من زوجي وزوجي يرفض بحجه انا خلاص عطيتك مصروفك وبريت ذمتي وكنت دايم احط شوي فلوس ع جنب مثل اذ زرنا اهلي نطلب عشا للجميع مابين لاحد شي
ساعدت زوجي يوم جاء يطلب مني ذهبي كان يقول مديون ومزنوق وماعندي شي مره عطيته ٣ اساور ذهب بقيمه ٣٥٠٠ ريال ومره طقم لين خلص ذهبي
قايمه بواجباتي ع اتم وجه مااسمع من زوجي كلمه ثناء او شكر
اكثر من مره اتعب يرفض يوديني لمستشفى وان تكرم وداني لحكومي ويزعل ويصارخ اذ ماطبخت وانا تعبانه ويشوف الاطفاال ييحوسون بالبيت ويجلس يسب ويلعن ويتوعد بالزواج بالثانيه مع العلم انه يعرف اني مريضه يعني يدري ايام عافيتي ارتب واغسل وانظف واطبخ وكل شي اسويه
مع العلم انه اكثر من مره خطب بس ماحالفه الحظ
اشيل هم ايام كسوه الشتاء لانه يحدني بالالف فقط وهو مايكفي لخمسه اشخاص مع انه مقتدر يعطيني اكثر وانا ساكنه بحفر ااباطن بارده بالشتاء
اقترحت علي زوجي غساله اواني وغساله ملابس يرفض
مع العلم انه تجيه مكافئات ومستحقات من عمله انا اخر من يعلم بها وادري من الناس
حملت بسنه من السنوات وتعبت تعب قوي بالحمل وكان عندي اطفال بالمدارس واطفال مايدرسون فحست حوسه تعب وحمل ومرض واطفال طلبته شغاله وقلت اساعدك اسوي جمعيه من ٥٠٠ بس رفض وقال اجل تبين خدامه تبطين عظم والله هذى كلمته
الحييىييييييين وبفضل الله سبحانه عطاني الله وظيفه وراتب ممتاز
طلب مني زوجي قرض بحجه انه يبي يبني بيت لنا وهو فعلا عنده ارض وحنا ساكنين بشقه صغيره فاول سكت وقلت له الله يسهل بعدين فكرت وفكرت قلت ع ايش اعطيه ع خياناته الجسديه والمعنويه ولا عيشتي الطيبه وهو دايم يطردني من الشقه
يوم فكرت حاولت القى موقف حلو وقف فيه معايه للاسف مالقيت ولا كنت ناويه اساعده لو انه ما يسوى
قلبت بصفحات حياتي معه مالقيت وقفه حلوه وقفها معي دايم ولا زال يطلع ويخلينا بدون مصروف لولا فضل الله كان مت انا والاولاد يطلع يغيب ايام عنا واحيانا يمرضون الاطفال ابلش فيهم واتشحذ الناس
وكنت احط ع جنب من مصروفنا لوقت الازمات لاني عارفته يطلع ويخلينا
المهم مارضيت اعطيه قرض لانه كم مره كسحني وكسر قلبي وكم مره احتاج وانا متزوجه